Exodus

Exodus 21

(ⲁ̅) ⲟⲩⲟϩ ⲛⲁⲓ ⲛⲉ ⲛⲓⲙⲉⲑⲙⲏⲓ ⲉⲧⲉⲕⲛⲁⲭⲁⲩ ⲙ̀ⲡⲟⲩⲙ̀ⲑⲟ	(1) And these are the ordinances which thou shalt set before them.	(1) Καὶ ταῦτα τὰ δικαιώµατα, ἃ παραθήσεις ἐνώπιον αὐτῶν.
(ⲃ̅) ⲉ̀ϣⲱⲡ ⲁⲕϣⲁⲛϫⲫⲟ ⲛ̀ⲟⲩⲁⲗⲟⲩ ⲛ̀ϩⲉⲃⲣⲉⲟⲥ ⲉϥⲉ̀ⲉⲣⲃⲱⲕ ⲛⲁⲕ ⲛ̀ⲋ̅ ⲛ̀ⲣⲟⲙⲡⲓ ϧⲉⲛ ϯⲙⲁϩⲍ̅ ⲇⲉ ⲛ̀ⲣⲟⲙⲡⲓ ⲉⲕⲉ̀ⲟⲩⲟⲣⲡϥ ⲉ̀ⲃⲟⲗ ⲉϥⲟⲓ ⲛ̀ⲣⲉⲙϩⲉ ⲛ̀ϫⲓⲛϫⲏ	(2) If thou buy a Hebrew servant, six years shall he serve thee, and in the seventh year he shall go forth free for nothing.	(2) ἐὰν κτήσῃ παῖδα Εβραῖον, ἓξ ἔτη δουλεύσει σοι· τῷ δὲ ἑβδόµῳ ἔτει ἀπελεύσεται ἐλεύθερος δωρεάν.
(ⲅ̅) ⲓⲥϫⲉ ⲛ̀ⲑⲟϥ ⲙ̀ⲙⲁⲩⲁⲧϥ ⲁϥⲓ̀ ⲉ̀ϧⲟⲩⲛ ⲉϥⲉ̀ϣⲉ ⲛⲁϥ ⲉ̀ⲃⲟⲗ ⲙ̀ⲙⲁⲩⲁⲧϥ ⲟⲛ ⲉ̀ϣⲱⲡ ⲇⲉ ⲛ̀ⲧⲉ ⲟⲩⲥϩⲓⲙⲓ ⲓ ⲉ̀ϧⲟⲩⲛ ⲛⲉⲙⲁϥ ⲉⲥⲉ̀ⲓ̀ ⲉ̀ⲃⲟⲗ ⲛⲉⲙⲁϥ ⲛ̀ϫⲉ ϯⲥϩⲓⲙⲓ	(3) If he should have come in alone, he shall also go forth alone; and if his wife should have gone in together with him, his wife also shall go out.	(3) ἐὰν αὐτὸς µόνος εἰσέλθῃ, καὶ µόνος ἐξελεύσεται· ἐὰν δὲ γυνὴ συνεισέλθῃ µετ’ αὐτοῦ, ἐξελεύσεται καὶ ἡ γυνὴ µετ’ αὐτοῦ.
(ⲇ̅) ⲉ̀ϣⲱⲡ ⲇⲉ ⲛ̀ⲧⲉ ⲡϭ̅ⲥ̅ ϯ ⲛ̀ⲟⲩⲥϩⲓⲙⲓ ⲛⲁϥ ⲟⲩⲟϩ ⲛ̀ⲧⲉⲥⲙⲓⲥⲓ ⲛⲁϥ ⲛ̀ϩⲁⲛϣⲏⲣⲓ ⲛⲉⲙ ϩⲁⲛϣⲉⲣⲓ ϯⲥϩⲓⲙⲓ ⲛⲉⲙ ⲛⲓⲁⲗⲱⲟⲩⲓ ⲉⲩⲉ̀ⲉⲣ ⲛⲁ ⲡⲉⲥϭ̅ⲥ̅ ⲡⲓϩⲁⲓ ⲇⲉ ⲙ̀ⲙⲁⲩⲁⲧϥ ⲉϥⲉ̀ⲓ̀ ⲉ̀ⲃⲟⲗ	(4) Moreover, if his master give him a wife, and she have born him sons or daughters, the wife and the children shall be his master’s; and he shall go forth alone.	(4) ἐὰν δὲ ὁ κύριος δῷ αὐτῷ γυναῖκα, καὶ τέκῃ αὐτῷ υἱοὺς ἢ θυγατέρας, ἡ γυνὴ καὶ τὰ παιδία ἔσται τῷ κυρίῳ αὐτοῦ, αὐτὸς δὲ µόνος ἐξελεύσεται.
(ⲉ̅) ⲉ̀ϣⲱⲡ ⲇⲉ ⲁϥϣⲁⲛⲉⲣⲟⲩⲱ ⲟⲩⲟϩ ⲛ̀ⲧⲉϥϫⲟⲥ ⲛ̀ϫⲉ ⲡⲓⲁⲗⲟⲩ ϫⲉ ⲁⲓⲙⲉⲛⲣⲉ ⲡⲁϭ̅ⲥ̅ ⲛⲉⲙ ⲧⲁⲥϩⲓⲙⲓ ⲛⲉⲙ ⲛⲁϣⲏⲣⲓ ϯⲛⲁϣⲉ ⲛⲏⲓ ⲁⲛ ⲉⲓⲟⲓ ⲛ̀ⲣⲉⲙϩⲉ	(5) And if the servant should answer and say, I love my master and wife and children, I will not go away free;	(5) ἐὰν δὲ ἀποκριθεὶς εἴπῃ ὁ παῖς Ἠγάπηκα τὸν κύριόν µου καὶ τὴν γυναῖκα καὶ τὰ παιδία, οὐκ ἀποτρέχω ἐλεύθερος·
(ⲋ̅) ⲉϥⲉ̀ⲉⲛϥ ⲛ̀ϫⲉ ⲡⲉϥϭ̅ⲥ̅ ϧⲁⲧⲉⲛ ⲡⲓⲙⲁⲛ̀ϯϩⲁⲡ ⲛ̀ⲧⲉ ⲫϯ ⲟⲩⲟϩ ⲧⲟⲧⲉ ⲉϥⲉ̀ⲉⲛϥ ⲉ̀ϧⲟⲩⲛ ϧⲁⲧⲉⲛ ⲡⲓⲣⲟ ⲉ̀ϫⲉⲛ ⲡⲓⲣⲟ ⲉ̀ϫⲉⲛ ϯⲃⲉⲛⲛⲏ ⲟⲩⲟϩ ⲉⲣⲉ ⲡⲉϥϭ̅ⲥ̅ ⲟⲩⲱⲧⲉⲛ ⲙ̀ⲡⲉϥⲙⲁϣϫ ϧⲉⲛ ϯⲧⲣⲁⲡⲥ ⲟⲩⲟϩ ⲉϥⲉ̀ⲉⲣⲃⲱⲕ ⲛⲁϥ ϣⲁ ⲉⲛⲉϩ	(6) his master shall bring him to the judgment-seat of God, and then shall he bring him to the door, —to the door-post, and his master shall bore his ear through with an awl, and he shall serve him for ever.	(6) προσάξει αὐτὸν ὁ κύριος αὐτοῦ πρὸς τὸ κριτήριον τοῦ θεοῦ καὶ τότε προσάξει αὐτὸν ἐπὶ τὴν θύραν ἐπὶ τὸν σταθµόν, καὶ τρυπήσει αὐτοῦ ὁ κύριος τὸ οὖς τῷ ὀπητίῳ, καὶ δουλεύσει αὐτῷ εἰς τὸν αἰῶνα. —
(ⲍ̅) ⲉ̀ϣⲱⲡ ⲇⲉ ⲛ̀ⲧⲉ ⲟⲩⲁⲓ ϯ ⲛ̀ⲧⲉϥϣⲉⲣⲓ ⲉ̀ⲃⲟⲗ ϧⲁ ⲃⲱⲕⲓ ⲛ̀ⲛⲉⲥϣⲉ ⲛⲁⲥ ⲙ̀ⲫⲣⲏϯ ⲉⲧⲟⲩϭⲟϫⲓ ⲛ̀ϫⲉ ⲛⲓⲃⲱⲕⲓ	(7) And if any one sell his daughter as a domestic, she shall not depart as the maid-servants depart.	(7) ἐὰν δέ τις ἀποδῶται τὴν ἑαυτοῦ θυγατέρα οἰκέτιν, οὐκ ἀπελεύσεται ὥσπερ ἀποτρέχουσιν αἱ δοῦλαι.
(ⲏ̅) ⲉ̀ϣⲱⲡ ⲇⲉ ⲁⲥϣ̀ⲧⲉⲙⲣⲁⲛⲁϥ ⲙ̀ⲡⲉⲥϭ̅ⲥ̅ ⲟⲩⲟϩ ⲑⲁⲓ ⲛ̀ⲧⲉϥϣ̀ⲧⲉⲙⲟⲩⲁϣⲥ ⲉϥⲉ̀ⲥⲟⲧⲥ ⲕⲉⲉⲑⲛⲟⲥ ⲇⲉ ⲛ̀ϣⲉⲙⲙⲟ ϥⲟⲓ ⲛ̀ϭⲟⲓⲥ ⲁⲛ ⲉ̀ⲧⲏⲓⲥ ⲛⲁϥ ⲉ̀ⲃⲟⲗ ϫⲉ ⲁϥϣⲱϣϥ ⲛ̀ϧⲏⲧⲥ	(8) If she be not pleasing to her master, after she has betrothed herself to him, he shall let her go free; but he is not at liberty to sell her to a foreign nation, because he has trifled with her.	(8) ἐὰν µὴ εὐαρεστήσῃ τῷ κυρίῳ αὐτῆς ἣν αὑτῷ καθωµολογήσατο, ἀπολυτρώσει αὐτήν· ἔθνει δὲ ἀλλοτρίῳ οὐ κύριός ἐστιν πωλεῖν αὐτήν, ὅτι ἠθέτησεν ἐν αὐτῇ.
(ⲑ̅) ⲉ̀ϣⲱⲡ ⲇⲉ ⲁϥϣⲁⲛⲟⲩⲟⲛϩⲥ ⲉ̀ⲃⲟⲗ ⲉ̀ⲧⲏⲓⲥ ⲙ̀ⲡⲉϥϣⲏⲣⲓ ⲉϥⲉ̀ⲓⲣⲓ ⲛⲁⲥ ⲕⲁⲧⲁ ⲛⲓⲙⲉⲑⲙⲏⲓ ⲛ̀ⲧⲉ ⲛⲓϣⲉⲣⲓ	(9) And if he should have betrothed her to his son, he shall do to her according to the right of daughters.	(9) ἐὰν δὲ τῷ υἱῷ καθοµολογήσηται αὐτήν, κατὰ τὸ δικαίωµα τῶν θυγατέρων ποιήσει αὐτῇ.
(ⲓ̅) ⲉ̀ϣⲱⲡ ⲇⲉ ⲁϥϣⲁⲛϭⲓ ⲛⲁϥ ⲛ̀ⲕⲉⲟⲩⲓ ⲛⲏ ⲉⲧⲥⲉⲙⲡϣⲁ ⲛⲉⲙ ⲡⲉⲥϭⲓϩⲃⲟⲥ ⲛⲉⲙ ⲡⲉⲥⲥⲁϫⲓ ⲛ̀ⲛⲉϥϥⲟϫⲥ ⲙ̀ⲙⲱⲟⲩ	(10) And if he take another to himself, he shall not deprive her of necessaries and her apparel, and her companionship with him.	(10) ἐὰν δὲ ἄMην λάβῃ ἑαυτῷ, τὰ δέοντα καὶ τὸν ἱµατισµὸν καὶ τὴν ὁµιλίαν αὐτῆς οὐκ ἀποστερήσει.
(ⲓ̅ⲁ̅) ⲉ̀ϣⲱⲡ ⲇⲉ ⲁϥϣ̀ⲧⲉⲙⲓⲣⲓ ⲛⲁⲥ ⲙ̀ⲡⲁⲓⲅ̅ ⲉⲥⲉ̀ⲓ̀ ⲉ̀ⲃⲟⲗ ⲛ̀ϫⲓⲛϫⲏ ⲛ̀ⲁⲧϩⲁⲧ	(11) And if he will not do these three things to her, she shall go out free without money.	(11) ἐὰν δὲ τὰ τρία ταῦτα µὴ ποιήσῃ αὐτῇ, ἐξελεύσεται δωρεὰν ἄνευ ἀργυρίου.
(ⲓ̅ⲃ̅) ⲉ̀ϣⲱⲡ ⲇⲉ ⲁⲣⲉϣⲁⲛ ⲟⲩⲁⲓ ϯ ⲛ̀ⲟⲩϣⲁϣ ⲛ̀ⲟⲩⲁⲓ ⲟⲩⲟϩ ⲛ̀ⲧⲉϥⲙⲟⲩ ϧⲉⲛ ⲟⲩⲙⲟⲩ ⲙⲁⲣⲉϥⲙⲟⲩ	(12) And if any man smite another and he die, let him be certainly put to death.	(12) Ἐὰν δὲ πατάξῃ τίς τινα, καὶ ἀποθάνῃ, θανάτῳ θανατούσθω·
(ⲓ̅ⲅ̅) ⲫⲏ ⲇⲉ ⲉⲧⲉϩⲛⲁϥ ⲁⲛ ⲡⲉ ⲁⲗⲗⲁ ⲫϯ ⲁϥⲧⲏⲓϥ ⲉ̀ϧⲣⲏⲓ ⲉ̀ⲛⲉϥϫⲓϫ ⲉⲓⲉ̀ϯ ⲛⲁⲕ ⲛ̀ⲟⲩⲙⲁ ⲉ̀ⲑⲣⲉϥⲫⲱⲧ ⲉ̀ⲙⲁⲩ ⲛ̀ϫⲉ ⲫⲏ ⲉⲧⲁϥϧⲱⲧⲉⲃ	(13) But as for him that did it not willingly, but God delivered him into his hands, I will give thee a place whither the slayer may flee.	(13) ὁ δὲ οὐχ ἑκών, ἀλλὰ ὁ θεὸς παρέδωκεν εἰς τὰς χεῖρας αὐτοῦ, δώσω σοι τόπον, οὗ φεύξεται ἐκεῖ ὁ φονεύσας.
(ⲓ̅ⲇ̅) ⲉ̀ϣⲱⲡ ⲇⲉ ⲛ̀ⲧⲉ ⲟⲩⲁⲓ ⲟⲩⲁϩϥ ⲉ̀ϫⲉⲛ ⲡⲉϥϣⲫⲏⲣ ⲛ̀ⲧⲉϥϧⲟⲑⲃⲉϥ ϧⲉⲛ ⲟⲩⲭⲣⲟϥ ⲛ̀ⲧⲉϥⲫⲱⲧ ⲉⲕⲉ̀ϭⲓⲧϥ ⲉ̀ⲃⲟⲗ ϩⲁ ⲡⲁⲙⲁⲛ̀ⲉⲣϣⲱⲟⲩϣⲓ ⲉ̀ϧⲟⲑⲃⲉϥ	(14) And if any one lie in wait for his neighbour to slay him by craft, and he go for refuge, thou shalt take him from my altar to put him to death.	(14) ἐὰν δέ τις ἐπιθῆται τῷ πλησίον ἀποκτεῖναι αὐτὸν δόλῳ καὶ καταφύγῃ, ἀπὸ τοῦ θυσιαστηρίου µου λήµψῃ αὐτὸν θανατῶσαι. —
(ⲓ̅ⲉ̅) ⲫⲏ ⲉⲑⲛⲁϯ ⲛ̀ⲟⲩϣⲁϣ ⲙ̀ⲡⲉϥⲓⲱⲧ ⲓⲉ ⲧⲉϥⲙⲁⲩ ϧⲉⲛ ⲟⲩⲙⲟⲩ ⲙⲁⲣⲉϥⲙⲟⲩ	(15) Whoever smites his father or his mother, let him be certainly put to death.	(15) ὃς τύπτει πατέρα αὐτοῦ ἢ µητέρα αὐτοῦ, θανάτῳ θανατούσθω.
(ⲓ̅ⲋ̅) ⲫⲏ ⲉⲑⲛⲁϫⲉ ⲟⲩⲥⲁϫⲓ ⲉϥϩⲱⲟⲩ ⲛ̀ⲥⲁ ⲡⲉϥⲓⲱⲧ ⲓⲉ ⲧⲉϥⲙⲁⲩ ϧⲉⲛ ⲟⲩⲙⲟⲩ ⲙⲁⲣⲉϥⲙⲟⲩ	(17) He that reviles his father or his mother shall surely die.	(16) ὁ κακολογῶν πατέρα αὐτοῦ ἢ µητέρα αὐτοῦ τελευτήσει θανάτῳ. —
(ⲓ̅ⲍ̅) ⲫⲏ ⲉⲧⲛⲁⲱⲗⲓ ⲛ̀ⲟⲩⲁⲓ ⲛ̀ϭⲓⲟⲩⲓ ⲛ̀ⲧⲉ ⲛⲉⲛϣⲏⲣⲓ ⲙ̀ⲡⲓⲥ̅ⲗ̅ ⲟⲩⲟϩ ⲛ̀ⲧⲉϥϭⲉⲡϫⲱⲣⲓ ⲉ̀ϫⲱϥ ⲛ̀ⲧⲉϥⲧⲏⲓϥ ⲉ̀ⲃⲟⲗ ⲟⲩⲟϩ ⲛ̀ⲧⲟⲩϫⲉⲙϥ ⲛ̀ϧⲏⲧϥ ϧⲉⲛ ⲟⲩⲙⲟⲩ ⲙⲁⲣⲉϥⲙⲟⲩ	(16) Whosoever shall steal one of the children of Israel, and prevail over him and sell him, and he be found with him, let him certainly die.	(17) ὃς ἐὰν κλέψῃ τίς τινα τῶν υἱῶν Ισραηλ καὶ καταδυναστεύσας αὐτὸν ἀποδῶται, καὶ εὑρεθῇ ἐν αὐτῷ, θανάτῳ τελευτάτω. —
(ⲓ̅ⲏ̅) ⲉ̀ϣⲱⲡ ⲇⲉ ⲉ̀ⲟⲩⲟⲛ ⲣⲱⲙⲓ ⲃ̅ ⲉⲩϩⲱⲟⲩϣ ⲛⲉⲙ ⲛⲟⲩⲉⲣⲏⲟⲩ ⲟⲩⲟϩ ⲛ̀ⲧⲉ ⲟⲩⲁⲓ ⲙ̀ⲙⲱⲟⲩ ϯ ⲛ̀ⲟⲩϣⲁϣ ⲙ̀ⲡⲉϥϣⲫⲏⲣ ϧⲉⲛ ⲡⲱⲛⲓ ⲓⲉ ϧⲉⲛ ⲟⲩⲉⲣϧⲟⲧ ⲟⲩⲟϩ ⲛ̀ⲧⲉϥϣ̀ⲧⲉⲙⲙⲟⲩ ⲛ̀ⲧⲉϥⲛⲕⲟⲧ ⲇⲉ ϩⲓϫⲉⲛ ⲡⲉϥⲙⲁⲛ̀ⲉⲛⲕⲟⲧ	(18) And if two men revile each other and smite the one the other with a stone or his fist, and he die not, but be laid upon his bed;	(18) ἐὰν δὲ λοιδορῶνται δύο ἄνδρες καὶ πατάξῃ τις τὸν πλησίον λίθῳ ἢ πυγµῇ, καὶ µὴ ἀποθάνῃ, κατακλιθῇ δὲ ἐπὶ τὴν κοίτην,
(ⲓ̅ⲑ̅) ⲉ̀ϣⲱⲡ ⲇⲉ ⲁϥϣⲁⲛⲧⲱⲛϥ ⲛ̀ϫⲉ ⲡⲓⲣⲱⲙⲓ ⲛ̀ⲧⲉϥⲙⲟϣⲓ ⲉ̀ⲃⲟⲗ ⲉϥⲟⲩⲉϩ ⲉ̀ϫⲉⲛ ⲟⲩϣⲃⲱⲧ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ ⲛ̀ϫⲉ ⲫⲏ ⲉⲧⲁϥϯ ⲙ̀ⲡⲓⲉⲣϧⲟⲧ ⲡⲗⲏⲛ ⲫⲁ ⲡⲉϥⲕⲱⲣϥ ⲛⲉⲙ ⲡⲉϥϩⲟⲙⲧ ⲛ̀ⲥⲏⲓⲛⲓ ⲉϥⲉ̀ⲧⲏⲓⲧⲟⲩ	(19) if the man arise and walk abroad on his staff, he that smote him shall be clear; only he shall pay for his loss of time, and for his healing.	(19) ἐὰν ἐξαναστὰς ὁ ἄνθρωπος περιπατήσῃ ἔξω ἐπὶ ῥάβδου, ἀθῷος ἔσται ὁ πατάξας· πλὴν τῆς ἀργίας αὐτοῦ ἀποτείσει καὶ τὰ ἰατρεῖα. —
(ⲕ̅) ⲉ̀ϣⲱⲡ ⲇⲉ ⲁⲣⲉϣⲁⲛ ⲟⲩⲁⲓ ϯ ⲛ̀ⲟⲩϣⲁϣ ⲙ̀ⲡⲉϥⲃⲱⲕ ⲓⲉ ⲧⲉϥⲃⲱⲕⲓ ϧⲉⲛ ⲟⲩϣⲃⲱⲧ ⲟⲩⲟϩ ⲛ̀ⲧⲟⲩⲙⲟⲩ ϧⲉⲛ ⲛⲉϥϫⲓϫ ϧⲉⲛ ⲟⲩϭⲓⲙⲡϣⲓϣ ⲉⲩⲉ̀ϭⲓⲙⲡ̀ϣⲓϣ ⲙ̀ⲙⲟϥ	(20) And if a man smite his man-servant or his maid-servant, with a rod, and the party die under his hands, he shall be surely punished.	(20) ἐὰν δέ τις πατάξῃ τὸν παῖδα αὐτοῦ ἢ τὴν παιδίσκην αὐτοῦ ἐν ῥάβδῳ, καὶ ἀποθάνῃ ὑπὸ τὰς χεῖρας αὐτοῦ, δίκῃ ἐκδικηθήτω.
(ⲕ̅ⲁ̅) ⲉ̀ϣⲱⲡ ⲇⲉ ⲁϥϣⲁⲛⲥⲓⲛⲓ ⲛ̀ϫⲉ ⲟⲩⲉϩⲟⲟⲩ ⲓⲉ ⲃ̅ ⲛ̀ⲛⲟⲩϭⲓⲙ̀ⲡϣⲓϣ ⲙ̀ⲙⲟϥ ϫⲉ ⲟⲩⲏⲓ ⲅⲁⲣ ⲡⲉϥϩⲁⲧ ⲡⲉ	(21) But if the servant continue to live a day or two, let not the master be punished; for he is his money.	(21) ἐὰν δὲ διαβιώσῃ ἡµέραν µίαν ἢ δύο, οὐκ ἐκδικηθήσεται· τὸ γὰρ ἀργύριον αὐτοῦ ἐστιν. —
(ⲕ̅ⲃ̅) ⲉ̀ϣⲱⲡ ⲇⲉ ⲁⲩϣⲁⲛϯ ⲛ̀ϫⲉ ⲣⲱⲙⲓ ⲃ̅ ⲛⲉⲙ ⲛⲟⲩⲉⲣⲏⲟⲩ ⲟⲩⲟϩ ⲛ̀ⲧⲉ ⲟⲩⲁⲓ ⲙ̀ⲙⲱⲟⲩ ϯ ⲛ̀ⲟⲩϣⲁϣ ⲛ̀ⲟⲩⲥϩⲓⲙⲓ ⲉⲥⲉⲙⲃⲟⲕⲓ ⲟⲩⲟϩ ⲛ̀ⲧⲉϥⲓ̀ ⲉ̀ⲃⲟⲗ ⲛ̀ϫⲉ ⲡⲓⲁⲗⲟⲩ ⲙ̀ⲡⲁⲧⲉϥϫⲱⲕ ⲛ̀ⲥⲱⲛⲧ ϧⲉⲛ ⲟⲩⲟⲥⲓ ⲉϥⲉ̀ϯⲟⲥⲓ ⲕⲁⲧⲁ ⲫⲏ ⲉⲧⲉ ⲡϩⲁⲓ ⲛ̀ϯⲥϩⲓⲙⲓ ⲛⲁϩⲓⲧϥ ⲉ̀ϩⲣⲁϥ ⲟⲩⲟϩ ⲉϥⲉ̀ⲧⲏⲓϥ ⲛⲉⲙ ⲟⲩϯϩⲟ	(22) And if two men strive and smite a woman with child, and her child be born imperfectly formed, he shall be forced to pay a penalty: as the woman’s husband may lay upon him, he shall pay with a valuation.	(22) ἐὰν δὲ µάχωνται δύο ἄνδρες καὶ πατάξωσιν γυναῖκα ἐν γαστρὶ ἔχουσαν, καὶ ἐξέλθῃ τὸ παιδίον αὐτῆς µὴ ἐξεικονισµένον, ἐπιζήµιον ζηµιωθήσεται· καθότι ἂν ἐπιβάλῃ ὁ ἀνὴρ τῆς γυναικός, δώσει µετὰ ἀξιώµατος·
(ⲕ̅ⲅ̅) ⲉ̀ϣⲱⲡ ⲇⲉ ⲁϥϣⲁⲛϫⲱⲕ ⲛ̀ⲥⲱⲛⲧ ⲉϥⲉ̀ϯ ⲛ̀ⲟⲩⲯⲩⲭⲏ ϧⲁ ⲟⲩⲯⲩⲭⲏ	(23) But if it be perfectly formed, he shall give life for life,	(23) ἐὰν δὲ ἐξεικονισµένον ἦν, δώσει ψυχὴν ἀντὶ ψυχῆς,
(ⲕ̅ⲇ̅) ⲟⲩⲃⲁⲗ ϧⲁ ⲟⲩⲃⲁⲗ ⲟⲩⲛⲁϫϩⲓ ϧⲁ ⲟⲩⲛⲁϫϩⲓ ⲟⲩϫⲓϫ ϧⲁ ⲟⲩϫⲓϫ ⲟⲩⲫⲁⲧ ϧⲁ ⲟⲩⲫⲁⲧ	(24) eye for eye, tooth for tooth, hand for hand, foot for foot,	(24) ὀφθαλµὸν ἀντὶ ὀφθαλµοῦ, ὀδόντα ἀντὶ ὀδόντος, χεῖρα ἀντὶ χειρός, πόδα ἀντὶ ποδός,
(ⲕ̅ⲉ̅) ⲟⲩϫⲱϥ ϧⲁ ⲟⲩϫⲱϥ ⲟⲩⲫⲱϧ ϧⲁ ⲟⲩⲫⲱϧ ⲟⲩⲗⲉⲗⲉⲭⲏⲙⲓ ϧⲁ ⲟⲩⲗⲉⲗⲉⲭⲏⲙⲓ	(25) burning for burning, wound for wound, stripe for stripe.	(25) κατάκαυµα ἀντὶ κατακαύµατος, τραῦµα ἀντὶ τραύµατος, µώλωπα ἀντὶ µώλωπος. —
(ⲕ̅ⲋ̅) ⲉ̀ϣⲱⲡ ⲇⲉ ⲁⲣⲉϣⲁⲛ ⲟⲩⲁⲓ ϯ ⲛ̀ⲟⲩϣⲱϣ ϧⲉⲛ ⲫⲃⲁⲗ ⲙ̀ⲡⲉϥⲃⲱⲕ ⲓⲉ ⲫⲃⲁⲗ ⲛ̀ⲧⲉϥⲃⲱⲕⲓ ⲟⲩⲟϩ ⲛ̀ⲧⲉϥⲉⲣⲃⲉⲗⲗⲉ ⲉϥⲉ̀ⲟⲩⲟⲣⲡⲟⲩ ⲉ̀ⲃⲟⲗ ⲉⲩⲟⲓ ⲛ̀ⲣⲉⲙϩⲉ ⲛ̀ⲧϣⲉⲃⲓⲱ ⲙ̀ⲡⲟⲩⲃⲁⲗ	(26) And if one smite the eye of his man-servant, or the eye of his maid-servant, and put it out, he shall let them go free for their eye’s sake.	(26) ἐὰν δέ τις πατάξῃ τὸν ὀφθαλµὸν τοῦ οἰκέτου αὐτοῦ ἢ τὸν ὀφθαλµὸν τῆς θεραπαίνης αὐτοῦ καὶ ἐκτυφλώσῃ, ἐλευθέρους ἐξαποστελεῖ αὐτοὺς ἀντὶ τοῦ ὀφθαλµοῦ αὐτῶν.
(ⲕ̅ⲍ̅) ⲉ̀ϣⲱⲡ ⲇⲉ ⲛ̀ⲧⲉϥⲉⲗ ⲑⲛⲁϫϩⲓ ⲙ̀ⲡⲉϥⲃⲱⲕ ⲉ̀ⲃⲟⲗ ⲓⲉ ⲑⲛⲁϫϩⲓ ⲛ̀ⲧⲉϥⲃⲱⲕⲓ ⲉϥⲉ̀ⲟⲩⲟⲣⲡⲟⲩ ⲉ̀ⲃⲟⲗ ⲉⲩⲟⲓ ⲛ̀ⲣⲉⲙϩⲉ ⲛ̀ⲧϣⲉⲃⲓⲱ ⲛ̀ⲧⲟⲩⲛⲁϫϩⲓ	(27) And if he should smite out the tooth of his man-servant, or the tooth of his maid-servant, he shall send them away free for their tooth’s sake.	(27) ἐὰν δὲ τὸν ὀδόντα τοῦ οἰκέτου ἢ τὸν ὀδόντα τῆς θεραπαίνης αὐτοῦ ἐκκόψῃ, ἐλευθέρους ἐξαποστελεῖ αὐτοὺς ἀντὶ τοῦ ὀδόντος αὐτῶν.
(ⲕ̅ⲏ̅) ⲉ̀ϣⲱⲡ ⲇⲉ ⲁⲣⲉϣⲁⲛ ⲟⲩⲙⲁⲥⲓ ϧⲟⲗϧⲉⲗ ⲛ̀ⲟⲩⲣⲱⲙⲓ ⲓⲉ ⲟⲩⲥϩⲓⲙⲓ ⲟⲩⲟϩ ⲛ̀ⲧⲟⲩⲙⲟⲩ ϧⲉⲛ ϩⲁⲛⲱⲛⲓ ⲉⲩⲉ̀ⲥⲉⲧ ⲱⲛⲓ ⲉ̀ϫⲉⲛ ⲡⲓⲙⲁⲥⲓ ⲟⲩⲟϩ ⲛ̀ⲛⲟⲩⲟⲩⲱⲙ ⲛ̀ⲛⲉϥⲁϥⲟⲩⲓ ⲡϭ̅ⲥ̅ ⲇⲉ ⲙ̀ⲡⲓⲙⲁⲥⲓ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ	(28) And if a bull gore a man or woman and they die, the bull shall be stoned with stones, and his flesh shall not be eaten; but the owner of the bull shall be clear.	(28) Ἐὰν δὲ κερατίσῃ ταῦρος ἄνδρα ἢ γυναῖκα, καὶ ἀποθάνῃ, λίθοις λιθοβοληθήσεται ὁ ταῦρος, καὶ οὐ βρωθήσεται τὰ κρέα αὐτοῦ· ὁ δὲ κύριος τοῦ ταύρου ἀθῷος ἔσται.
(ⲕ̅ⲑ̅) ⲉ̀ϣⲱⲡ ⲇⲉ ⲡⲓⲙⲁⲥⲓ ⲟⲩⲣⲉϥϧⲟⲗϧⲉⲗ ⲡⲉ ϧⲁϫⲉⲛ ⲥⲁϥ ⲛⲉⲙ ϧⲁϫⲉⲛ ⲅ̅ ⲉ̀ⲫⲟⲟⲩ ⲟⲩⲟϩ ⲛ̀ⲧⲟⲩⲉⲣⲙⲉⲑⲣⲉ ⲙ̀ⲡⲉϥⲛⲏⲃ ⲟⲩⲟϩ ⲛ̀ⲧⲉϥϣ̀ⲧⲉⲙⲧⲁⲕⲟϥ ⲛ̀ⲧⲉϥϧⲱⲧⲉⲃ ⲇⲉ ⲛ̀ⲟⲩⲣⲱⲙⲓ ⲓⲉ ⲟⲩⲥϩⲓⲙⲓ ⲉⲩⲉ̀ⲥⲉⲧ ⲱⲛⲓ ⲉ̀ϫⲉⲛ ⲡⲓⲙⲁⲥⲓ ⲟⲩⲟϩ ⲉϥⲉ̀ⲙⲟⲩ ⲛ̀ϫⲉ ⲡⲉϥⲕⲉⲛⲏⲃ	(29) But if the bull should have been given to goring in former time, and men should have told his owner, and he have not removed him, but he should have slain a man or woman, the bull shall be stoned, and his owner shall die also.	(29) ἐὰν δὲ ὁ ταῦρος κερατιστὴς ᾖ πρὸ τῆς ἐχθὲς καὶ πρὸ τῆς τρίτης, καὶ διαµαρτύρωνται τῷ κυρίῳ αὐτοῦ, καὶ µὴ ἀφανίσῃ αὐτόν, ἀνέλῃ δὲ ἄνδρα ἢ γυναῖκα, ὁ ταῦρος λιθοβοληθήσεται, καὶ ὁ κύριος αὐτοῦ προσαποθανεῖται.
(ⲗ̅) ⲉ̀ϣⲱⲡ ⲇⲉ ⲛ̀ⲧⲟⲩϩⲓ ⲟⲩⲟⲥⲓ ⲉ̀ϩⲣⲁϥ ⲉϥⲉ̀ϯ ⲛ̀ⲛⲉⲛⲥⲱϯ ⲛ̀ⲧⲉϥⲯⲩⲭⲏ ϩⲱⲃ ⲛⲓⲃⲉⲛ ⲉⲧⲟⲩⲛⲁϩⲓⲧϥ ⲛ̀ⲥⲱϥ	(30) And if a ransom should be imposed on him, he shall pay for the ransom of his soul as much as they shall lay upon him.	(30) ἐὰν δὲ λύτρα ἐπιβληθῇ αὐτῷ, δώσει λύτρα τῆς ψυχῆς αὐτοῦ ὅσα ἐὰν ἐπιβάλωσιν αὐτῷ.
(ⲗ̅ⲁ̅) ⲉ̀ϣⲱⲡ ⲇⲉ ⲁϥϣⲁⲛϧⲟⲗϧⲉⲗ ⲛ̀ⲟⲩϣⲏⲣⲓ ⲓⲉ ⲟⲩϣⲉⲣⲓ ⲉⲩⲉ̀ⲓⲣⲓ ⲛⲁϥ ⲕⲁⲧⲁ ⲧⲁⲓⲙⲉⲑⲙⲏⲓ	(31) And if the bull gore a son or daughter, let them do to him according to this ordinance.	(31)ἐὰν δὲ υἱὸν ἢ θυγατέρα κερατίσῃ, κατὰ τὸ δικαίωµα τοῦτο ποιήσουσιν αὐτῷ.
(ⲗ̅ⲃ̅) ⲉ̀ϣⲱⲡ ⲇⲉ ⲁⲣⲉϣⲁⲛ ⲡⲓⲙⲁⲥⲓ ϧⲟⲗϧⲉⲗ ⲛ̀ⲟⲩⲃⲱⲕ ⲓⲉ ⲟⲩⲃⲱⲕⲓ ⲉϥⲉ̀ϯ ⲛ̀ⲗ̅ ⲛ̀ⲕⲓϯ ⲛ̀ϩⲁⲧ ⲙ̀ⲡⲟⲩϭ̅ⲥ̅ ⲟⲩⲟϩ ⲉⲩⲉ̀ⲥⲉⲧ ⲱⲛⲓ ⲉ̀ϫⲉⲛ ⲡⲓⲙⲁⲥⲓ	(32) And if the bull gore a man-servant or maid-servant, he shall pay to their master thirty silver didrachms, and the bull shall be stoned.	(32)ἐὰν δὲ παῖδα κερατίσῃ ὁ ταῦρος ἢ παιδίσκην, ἀργυρίου τριάκοντα δίδραχµα δώσει τῷ κυρίῳ αὐτῶν, καὶ ὁ ταῦρος λιθοβοληθήσεται. —
(ⲗ̅ⲅ̅) ⲉ̀ϣⲱⲡ ⲇⲉ ⲁⲣⲉϣⲁⲛ ⲟⲩⲁⲓ ⲟⲩⲱⲛ ⲛ̀ⲟⲩⲗⲁⲕⲕⲟⲥ ⲓⲉ ⲛ̀ⲧⲉϥϣⲱⲕⲓ ⲛ̀ⲟⲩⲗⲁⲕⲕⲟⲥ ⲟⲩⲟϩ ⲛ̀ⲧⲉϥϣ̀ⲧⲉⲙϩⲟⲃⲥϥ ⲟⲩⲟϩ ⲛ̀ⲧⲉϥϩⲉⲓ ⲉ̀ⲙⲁⲩ ⲛ̀ϫⲉ ⲟⲩⲙⲁⲥⲓ ⲓⲉ ⲟⲩⲓⲱ	(33) And if any one open a pit or dig a cavity in stone, and cover it not, and an ox or an ass fall in there,	(33) ἐὰν δέ τις ἀνοίξῃ λάκκον ἢ λατοµήσῃ λάκκον καὶ µὴ καλύψῃ αὐτόν, καὶ ἐµπέσῃ ἐκεῖ µόσχος ἢ ὄνος,
(ⲗ̅ⲇ̅) ⲡϭ̅ⲥ̅ ⲙ̀ⲡⲓⲗⲁⲕⲕⲟⲥ ⲉϥⲉ̀ⲧⲏⲓϥ ⲉϥⲉ̀ϯ ⲛ̀ⲟⲩϩⲁⲧ ⲙ̀ⲡⲟⲩⲛⲏⲃ ⲫⲏ ⲇⲉ ⲉⲧⲁϥⲙⲟⲩ ⲉϥⲉ̀ⲉⲣ ⲫⲱϥ	(34) the owner of the pit shall make compensation; he shall give money to their owner, and the dead shall be his own.	(34) ὁ κύριος τοῦ λάκκου ἀποτείσει· ἀργύριον δώσει τῷ κυρίῳ αὐτῶν, τὸ δὲ τετελευτηκὸς αὐτῷ ἔσται. —
(ⲗ̅ⲉ̅) ⲉ̀ϣⲱⲡ ⲇⲉ ⲁⲣⲉϣⲁⲛ ⲟⲩⲙⲁⲥⲓ ⲛ̀ⲧⲉ ⲟⲩⲁⲓ ϧⲟⲗϧⲉⲗ ⲛ̀ⲟⲩⲙⲁⲥⲓ ⲛ̀ⲧⲉ ⲡⲉϥϣⲫⲏⲣ ⲟⲩⲟϩ ⲛ̀ⲧⲉϥⲙⲟⲩ ⲉⲩⲉ̀ϯ ⲙ̀ⲡⲓⲙⲁⲥⲓ ⲉⲧⲟⲛϧ ⲉ̀ⲃⲟⲗ ⲟⲩⲟϩ ⲉⲩⲉ̀ⲫⲱϣ ⲙ̀ⲡⲉϥϩⲁⲧ ⲉ̀ϩⲣⲁⲩ ⲟⲩⲟϩ ⲡⲓⲙⲁⲥⲓ ⲉⲧⲁϥⲙⲟⲩ ⲉⲩⲉ̀ⲫⲁϣϥ ⲉ̀ϩⲣⲁⲩ	(35) And if any man’s bull gore the bull of his neighbour, and it die, they shall sell the living bull and divide the money, and they shall divide the dead bull.	(35) ἐὰν δὲ κερατίσῃ τινὸς ταῦρος τὸν ταῦρον τοῦ πλησίον, καὶ τελευτήσῃ, ἀποδώσονται τὸν ταῦρον τὸν ζῶντα καὶ διελοῦνται τὸ ἀργύριον αὐτοῦ καὶ τὸν ταῦρον τὸν τεθνηκότα διελοῦνται.
(ⲗ̅ⲋ̅) ⲉ̀ϣⲱⲡ ⲇⲉ ⲁⲩϣⲁⲛⲥⲟⲩⲉⲛ ⲡⲓⲙⲁⲥⲓ ϫⲉ ⲟⲩⲣⲉϥϧⲟⲗϧⲉⲗ ⲡⲉ ϧⲁϫⲉⲛ ⲥⲁϥ ⲛⲉⲙ ϧⲁϫⲉⲛ ⲅ ⲉ̀ⲫⲟⲟⲩ ⲟⲩⲟϩ ⲁⲩⲉⲣⲙⲉⲑⲣⲉ ⲙ̀ⲡⲉϥⲛⲏⲃ ⲟⲩⲟϩ ⲛ̀ⲧⲉϥϣ̀ⲧⲉⲙⲧⲁⲕⲟϥ ⲉϥⲉ̀ϯ ⲛ̀ⲟⲩⲙⲁⲥⲓ ⲛ̀ⲧϣⲉⲃⲓⲱ ⲛ̀ⲟⲩⲙⲁⲥⲓ ⲫⲏ ⲇⲉ ⲉⲧⲁϥⲙⲟⲩ ⲉϥⲉ̀ϣⲱⲡⲓ ⲛⲁϥ	(36) But if the bull be known to have been given to goring in time past, and they have testified to his owner, and he have not removed him, he shall repay bull for bull, but the dead shall be his own.	(36) ἐὰν δὲ γνωρίζηται ὁ ταῦρος ὅτι κερατιστής ἐστιν πρὸ τῆς ἐχθὲς καὶ πρὸ τῆς τρίτης ἡµέρας, καὶ διαµεµαρτυρηµένοι ὦσιν τῷ κυρίῳ αὐτοῦ, καὶ µὴ ἀφανίσῃ αὐτόν, ἀποτείσει ταῦρον ἀντὶ ταύρου, ὁ δὲ τετελευτηκὼς αὐτῷ ἔσται.