Ezekiel

Ezekiel 26

(ⲁ̅) ⲁⲥϣⲱⲡⲓ ϧⲉⲛ ϯⲙⲁϩⲓ̀ ⲛ̀ⲣⲟⲙⲡⲓ. ⲛ̀ⲥⲟⲩⲁⲓ ⲙ̀ⲡⲓⲁⲃⲟⲧ. ⲡⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	(1) And it came to pass in the eleventh year, on the first day of the month, that the word of the Lord came to me, saying,	(1) Καὶ ἐγενήθη ἐν τῷ ἑνδεκάτῳ ἔτει µιᾷ τοῦ µηνὸς ἐγένετο λόγος κυρίου πρός µε λέγων
(ⲃ̅) ϫⲉ ⲡϣⲏⲣⲓ ⲙ̀ⲫⲣⲱⲙⲓ. ⲉ̀ⲃⲟⲗ ϫⲉ ⲁⲥϫⲟⲥ ⲛ̀ϫⲉ ⲥⲱⲣ ⲉ̀ϩⲣⲏⲓ ⲉ̀ϫⲉⲛ ⲓⲗ̅ⲏ̅ⲙ̅. ϫⲉ ⲕⲁⲗⲱⲥ ⲕⲁⲗⲱⲥ. ⲁⲥⲕⲟϣϥ. ⲁⲥⲧⲁⲕⲟ ⲛ̀ⲛⲓⲉⲑⲛⲟⲥ. ⲑⲏ ⲉⲑⲙⲉϩ ⲙ̀ⲙⲏϣ ⲁⲥⲉⲣϣⲁϥⲉ.	(2) Son of man, because Sor has said against Jerusalem, Aha, she is crushed: the nations are destroyed: she is turned to me: she that was full is made desolate:	(2) Υἱὲ ἀνθρώπου, ἀνθ’ ὧν εἶπεν Σορ ἐπὶ Ιερουσαληµ Εὖγε συνετρίβη, ἀπόλωλεν τὰ ἔθνη, ἐπεστράφη πρός µε, ἡ πλήρης ἠρήµωται,
(ⲅ̅) ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅. ϫⲉ ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲓⲛⲓ ⲉ̀ϧⲣⲏⲓ ⲉ̀ϫⲱⲥ ⲛ̀ⲟⲩⲙⲏϣ ⲛ̀ⲉⲑⲛⲟⲥ ⲉⲓⲉ̀ⲉⲛⲟⲩ ⲉ̀ϧⲣⲏⲓ ⲉ̀ϫⲱⲟⲩ. ⲙ̀ⲫⲣⲏϯ ⲉ̀ϣⲁⲣⲉ ⲫⲓⲟⲙ ⲱⲗⲓ ⲉ̀ⲡϣⲱⲓ ⲛ̀ⲛⲉⲥϩⲱⲓⲙⲓ.	(3) therefore thus saith the Lord; Behold, I am against thee, O Sor, and I will bring up many nations against thee, as the sea comes up with its waves.	(3) διὰ τοῦτο τάδε λέγει κύριος Ἰδοὺ ἐγὼ ἐπὶ σέ, Σορ, καὶ ἀνάξω ἐπὶ σὲ ἔθνη πολλά, ὡς ἀναβαίνει ἡ θάλασσα τοῖς κύµασιν αὐτῆς.
(ⲇ̅) ⲉⲩⲉ̀ⲕⲱⲗϩ ⲛ̀ⲛⲉⲥⲟⲃⲧ ⲥⲱⲣ. ⲟⲩⲟϩ ⲉⲩⲉ̀ⲧⲁⲟⲩⲟ ⲉ̀ϧⲣⲏⲓ ⲛ̀ⲛⲉⲡⲩⲣⲅⲟⲥ. ⲡⲉⲥⲕⲁϩⲓ ϯⲛⲁϣⲱϣϥ ⲥⲁⲃⲟⲗ ⲙ̀ⲙⲟⲥ ⲉⲓⲉ̀ⲧⲏⲓⲥ ⲙ̀ⲡⲥⲙⲟⲧ ⲛ̀ⲟⲩⲡⲉⲧⲣⲁ.	(4) And they shall cast down the walls of Sor, and shall cast down thy towers: and I will scrape her dust from off her, and make her a bare rock.	(4) καὶ καταβαλοῦσιν τὰ τείχη Σορ καὶ καταβαλοῦσι τοὺς πύργους σου, καὶ λικµήσω τὸν χοῦν αὐτῆς ἀπ’ αὐτῆς καὶ δώσω αὐτὴν εἰς λεωπετρίαν·
(ⲉ̅) ⲉⲥⲉ̀ϣⲱⲡⲓ ⲉⲩⲙⲁ ⲉϥϫⲏⲛ ⲉϥϭⲏⲥ ϧⲉⲛ ⲑⲙⲏϯ ⲙ̀ⲫⲓⲟⲙ. ϫⲉ ⲁ̀ⲛⲟⲕ ⲁⲓⲥⲁϫⲓ ⲡⲉϫⲉ ⲡϭ̅ⲥ̅. ⲟⲩⲟϩ ⲉⲥⲉ̀ϣⲱⲡⲓ ⲉⲩⲥⲟⲗⲥⲉⲗ ⲛ̀ⲛⲓⲉⲑⲛⲟⲥ.	(5) She shall be in the midst of the sea a place for repairing nets: for I have spoken it, saith the Lord: and it shall be a spoil for the nations.	(5) ψυγµὸς σαγηνῶν ἔσται ἐν µέσῳ θαλάσσης, ὅτι ἐγὼ λελάληκα, λέγει κύριος· καὶ ἔσται εἰς προνοµὴν τοῖς ἔθνεσιν,
(ⲋ̅) ⲟⲩⲟϩ ⲛⲉⲥϣⲏⲣⲓ ⲉⲩⲉ̀ϧⲟⲧⲃⲟⲩ ϧⲉⲛ ⲧⲥⲏϥⲓ ϧⲉⲛ ⲧⲉⲥⲙⲏϯ. ⲉⲩⲉ̀ⲉⲙⲓ ϫⲉ ⲁ̀ⲛⲟⲕ ⲡⲉ ⲡϭ̅ⲥ̅.	(6) And her daughters which are in the field shall be slain with the sword, and they shall know that I am the Lord.	(6) καὶ αἱ θυγατέρες αὐτῆς αἱ ἐν τῷ πεδίῳ µαχαίρᾳ ἀναιρεθήσονται· καὶ γνώσονται ὅτι ἐγὼ κύριος.
(ⲍ̅) ⲉ̀ⲃⲟⲗ ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅. ϫⲉ ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲓⲛⲓ ⲉ̀ϧⲣⲏⲓ ⲉ̀ϫⲉⲛ ⲥⲱⲣ. ⲛⲁⲃⲟⲩⲭⲟⲧⲟⲛⲱⲥⲟⲣ ⲡⲟⲩⲣⲟ ⲛ̀ⲧⲃⲁⲃⲩⲗⲱⲛ. ϧⲉⲛ ⲡⲉⲙϩⲓⲧ. ⲡⲟⲩⲣⲟ ⲛ̀ⲧⲉ ⲛⲓⲟⲩⲣⲱⲟⲩ ⲉϥⲛⲏⲟⲩ ϧⲉⲛ ϩⲁⲛϩⲑⲱⲣ. ⲛⲉⲙ ϩⲁⲛϩⲁⲣⲙⲁ. ⲛⲉⲙ ϩⲁⲛϩⲓⲡⲡⲉⲩⲥ ⲛⲉⲙ ϩⲁⲛⲥⲩⲛⲁⲅⲱⲅⲏ ⲛ̀ⲉⲑⲛⲟⲥ ⲉ̀ⲛⲁϣⲱⲟⲩ ⲉ̀ⲙⲁϣⲱ	(7) For thus saith the Lord; Behold, I will bring up against thee, O Sor, Nabuchodonosor king of Babylon from the north: he is a king of kings, with horses, and chariots, and horsemen, and a concourse of very many nations.	(7) ὅτι τάδε λέγει κύριος Ἰδοὺ ἐγὼ ἐπάγω ἐπὶ σέ, Σορ, τὸν Ναβουχοδονοσορ βασιλέα Βαβυλῶνος ἀπὸ τοῦ βορρᾶ (βασιλεὺς βασιλέων ἐστίν) µεθ’ ἵππων καὶ ἁρµάτων καὶ ἱππέων καὶ συναγωγῆς ἐθνῶν πολλῶν σφόδρα.
(ⲏ̅) ⲫⲁⲓ ⲡⲉ ⲫⲏ ⲉⲑⲛⲁϧⲱⲧⲉⲃ ⲛ̀ⲛⲉϣⲉⲣⲓ ⲛⲏ ⲉⲧϧⲉⲛ ⲧⲕⲟⲓ ϧⲉⲛ ⲧⲥⲏϥⲓ. ⲉϥⲉ̀ϣⲱⲡⲓ ⲉϥⲣⲱⲓⲥ. ⲉϥⲉ̀ⲧⲁⲥⲑⲟ ⲛ̀ⲛⲉⲥⲟⲃⲧ ⲉⲣⲟ. ⲉϥⲉ̀ⲥⲉⲙⲛⲏ ⲛ̀ϩⲁⲛϩⲟⲡⲗⲟⲛ ⲟⲩⲟϩ ⲛⲉϥⲗⲟⲅⲭⲏ ⲙ̀ⲡⲟⲩⲙ̀ⲑⲟ ⲉ̀ⲃⲟⲗ.	(8) He shall slay thy daughters that are in the field with the sword, and shall set a watch against thee, and build forts around thee, and carry a rampart round against thee, and set up warlike works, and array his spears against thee.	(8) οὗτος τὰς θυγατέρας σου τὰς ἐν τῷ πεδίῳ µαχαίρᾳ ἀνελεῖ καὶ δώσει ἐπὶ σὲ προφυλακὴν καὶ περιοικοδοµήσει καὶ ποιήσει ἐπὶ σὲ κύκλῳ χάρακα καὶ περίστασιν ὅπλων καὶ τὰς λόγχας αὐτοῦ ἀπέναντί σου δώσει·
(ⲑ̅) ⲉϥⲉ̀ϩⲓⲟⲩⲓ ⲛ̀ⲛⲉⲥⲟⲃⲧ. ⲛⲉⲙ ⲛⲉⲡⲩⲣⲅⲟⲥ ϧⲉⲛ ⲛⲉϥⲥⲏϥⲓ.	(9) He shall cast down with his swords thy walls and thy towers.	(9) τὰ τείχη σου καὶ τοὺς πύργους σου καταβαλεῖ ἐν ταῖς µαχαίραις αὐτοῦ.
(ⲓ̅) ⲉ̀ⲃⲟⲗ ϧⲉⲛ ⲡⲁϣⲁⲓ ⲛ̀ⲛⲉϥϩⲑⲱⲣ ⲛⲉⲙ ⲛⲓⲧⲣⲟⲭⲟⲥ ⲛ̀ⲛⲉϥϩⲁⲣⲙⲁ. ⲥⲉⲛⲁⲙⲟⲛⲙⲉⲛ ⲛ̀ϫⲉ ⲛⲉⲥⲟⲃⲧ. ⲉϥⲉ̀ⲓ̀ ⲉ̀ϧⲟⲩⲛ ϧⲉⲛ ⲛⲉⲡⲩⲗⲏ. ⲙ̀ⲫⲣⲏϯ ⲛ̀ⲟⲩⲣⲱⲙⲓ ⲁϥⲓ̀ ϧⲉⲛ ⲧⲕⲟⲓ ⲉϥⲉ̀ϣⲱⲡⲓ ⲥⲁϧⲟⲩⲛ ⲛ̀ⲧⲉϥⲃⲁⲕⲓ.	(10) By reason of thy multitude of his horses their dust shall cover thee, and by reason of the sound of his horsemen and the wheels of his chariots the walls shall be shaken, when he enters into thy gates, as one entering into a city from the plain.	(10) ἀπὸ τοῦ πλήθους τῶν ἵππων αὐτοῦ κατακαλύψει σε ὁ κονιορτὸς αὐτῶν, καὶ ἀπὸ τῆς φωνῆς τῶν ἱππέων αὐτοῦ καὶ τῶν τροχῶν τῶν ἁρµάτων αὐτοῦ σεισθήσεται τὰ τείχη σου εἰσπορευοµένου αὐτοῦ τὰς πύλας σου ὡς εἰσπορευόµενος εἰς πόλιν ἐκ πεδίου.
(ⲓ̅ⲁ̅) ⲉⲩⲉ̀ϩⲱⲙⲓ ⲉ̀ⲛⲉⲡⲗⲁϯⲁ ⲧⲏⲣⲟⲩ ϧⲉⲛ ⲛⲓⲏⲃ ⲛ̀ⲧⲉ ⲛⲉϥϩⲑⲱⲣ. ⲡⲉⲙⲏϣ ϥⲛⲁϧⲟⲑⲃⲉϥ ϧⲉⲛ ⲧⲥⲏϥⲓ. ⲡϣⲟⲩϣⲟⲩ ⲛ̀ⲧⲟⲩϫⲟⲙ. ϥⲛⲁⲉⲛϥ ⲉ̀ⲡⲉⲥⲏⲧ.	(11) With the hoofs of his horses they shall trample all thy streets: he shall slay thy people with the sword, and shall bring down to the ground the support of thy strength.	(11) ἐν ταῖς ὁπλαῖς τῶν ἵππων αὐτοῦ καταπατήσουσίν σου πάσας τὰς πλατείας· τὸν λαόν σου µαχαίρᾳ ἀνελεῖ καὶ τὴν ὑπόστασίν σου τῆς ἰσχύος ἐπὶ τὴν γῆν κατάξει.
(ⲓ̅ⲃ̅) ⲟⲩⲟϩ ⲧⲟⲩϫⲟⲙ ⲉϥⲉ̀ϩⲱⲗⲉⲙ ⲙ̀ⲙⲟⲥ. ⲛⲉϩⲩⲡⲁⲣⲭⲱⲛⲧⲁ ⲉϥⲉ̀ⲱⲗⲟⲩ. ⲛⲉⲥⲟⲃⲧ ⲉϥⲉ̀ⲧⲁⲟⲩⲱⲟⲩ ⲉ̀ⲡⲉⲥⲏⲧ. ⲟⲩⲟϩ ⲛⲉⲏⲟⲩ ⲉⲑⲛⲁⲛⲉⲩ ⲉϥⲉ̀ϩⲟϭⲡⲟⲩ ⲛⲉⲱⲛⲓ ⲛⲉⲙ ⲛⲉϣⲉ. ⲟⲩⲟϩ ⲧⲉϫⲟⲓ. ⲉϥⲉ̀ϩⲓⲧⲟⲩ ⲉ̀ⲑⲙⲏϯ ⲙ̀ⲫⲓⲟⲙ.	(12) And he shall prey upon thy power, and plunder thy substance, and shall cast down thy walls, and break down thy pleasant houses: and he shall cast thy stones and thy timber and thy dust into the midst of thy sea.	(12) καὶ προνοµεύσει τὴν δύναµίν σου καὶ σκυλεύσει τὰ ὑπάρχοντά σου καὶ καταβαλεῖ σου τὰ τείχη καὶ τοὺς οἴκους σου τοὺς ἐπιθυµητοὺς καθελεῖ καὶ τοὺς λίθους σου καὶ τὰ ξύλα σου καὶ τὸν χοῦν σου εἰς µέσον τῆς θαλάσσης ἐµβαλεῖ.
(ⲓ̅ⲅ̅) ⲟⲩⲟϩ ⲉϥⲉ̀ⲧⲁⲕⲟ ⲙ̀ⲡⲁϣⲁⲓ ⲛ̀ⲛⲉⲙⲟⲩⲥⲓⲕⲟⲛ. ⲟⲩⲟϩ ⲧⲥⲙⲏ ⲛ̀ⲛⲉⲯⲁⲗⲧⲏⲣⲓⲟⲛ ⲛ̀ⲥⲉⲥⲱⲧⲉⲙ ⲉ̀ⲣⲟⲥ ⲁⲛ ϫⲉ.	(13) And he shall destroy the multitude of thy musicians, and the sound of thy psalteries shall be heard no more.	(13) καὶ καταλύσει τὸ πλῆθος τῶν µουσικῶν σου, καὶ ἡ φωνὴ τῶν ψαλτηρίων σου οὐ µὴ ἀκουσθῇ ἔτι.
(ⲓ̅ⲇ̅) ⲟⲩⲟϩ ⲉⲓⲉ̀ⲁⲓϯ ⲙ̀ⲫⲣⲏϯ ⲛ̀ⲟⲩⲡⲉⲧⲣⲁ ⲉⲥϫⲏⲛ. ⲧⲉⲣⲁϣⲱⲡⲓ ⲙ̀ⲙⲁⲙ̀ⲫⲱⲣϣ ⲛ̀ⲛⲁⲃⲟⲩⲭⲟⲇⲟⲛⲱⲥⲟⲣ. ⲉ̀ϣ̀ⲧⲉⲙⲧⲁⲥⲑⲱⲟⲩ ϫⲉ ⲉ̀ⲕⲱⲧ ⲙ̀ⲙⲟ. ϫⲉ ⲁ̀ⲛⲟⲕ ⲡⲉ ⲡϭ̅ⲥ̅.	(14) And I will make thee a bare rock: thou shalt be a place to spread nets upon; thou shalt be built no more: for I the Lord have spoken it, saith the Lord.	(14) καὶ δώσω σε εἰς λεωπετρίαν, ψυγµὸς σαγηνῶν ἔσῃ· οὐ µὴ οἰκοδοµηθῇς ἔτι, ὅτι ἐγὼ ἐλάλησα, λέγει κύριος.
(ⲓ̅ⲉ̅) ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅ ⲛ̀ⲥⲱⲣ. ϫⲉ ⲙⲉⲛⲉⲛⲥⲱⲥ ⲉⲥⲉ̀ⲕⲁϯ ⲁⲛ. ⲉ̀ⲃⲟⲗ ϧⲉⲛ ⲡϧⲣⲱⲟⲩ ⲛ̀ⲧⲉ ⲡⲉϩⲉⲓ. ϧⲉⲛ ⲡϫⲓⲛⲑⲣⲟⲩϥⲓⲁϩⲟⲙ ⲛ̀ϫⲉ ⲛⲏ ⲉⲧϧⲱⲧⲉⲃ. ϧⲉⲛ ⲡϫⲓⲛⲑⲣⲟⲩⲑⲱⲕⲉⲙ ⲛ̀ⲧⲟⲩⲥⲏϥⲓ ϧⲉⲛ ⲧⲉⲙⲏϯ.	(15) For thus saith the Lord God to Sor; Shall not the isles shake at the sound of thy fall, while the wounded are groaning, while they have drawn a sword in the midst of thee?	(15) διότι τάδε λέγει κύριος κύριος τῇ Σορ Οὐκ ἀπὸ φωνῆς τῆς πτώσεώς σου ἐν τῷ στενάξαι τραυµατίας ἐν τῷ σπάσαι µάχαιραν ἐν µέσῳ σου σεισθήσονται αἱ νῆσοι;
(ⲓ̅ⲋ̅) ⲟⲩⲟϩ ⲥⲉⲛⲁⲓ̀ ⲉ̀ⲡⲉⲥⲏⲧ ϩⲓϫⲉⲛ ⲛⲟⲩⲑⲣⲟⲛⲟⲥ ⲛ̀ϫⲉ ⲛⲓⲁⲣⲭⲱⲛ. ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲛ̀ⲧⲉ ⲫⲓⲟⲙ. ⲟⲩⲟϩ ⲥⲉⲛⲁⲱⲗⲓ ⲙ̀ⲙⲁⲩ ⲉ̀ⲃⲟⲗ ϩⲓϫⲱⲟⲩ ⲛ̀ⲟⲩⲡⲉⲧⲣⲁ. ⲟⲩⲟϩ ⲉⲩⲉ̀ϣⲱⲡⲓ ⲉⲩⲃⲏϣ ⲛ̀ⲧⲟⲩϩⲉⲃⲥⲱ ⲉⲧⲟⲓ ⲛ̀ⲟⲩⲑⲟ ⲛ̀ⲣⲏϯ. ϧⲉⲛ ⲟⲩⲥⲑⲉⲣⲧⲉⲣ ⲉⲩⲉ̀ϣⲑⲟⲣⲧⲉⲣ. ⲉⲩⲉ̀ϩⲉⲙⲥⲓ ⲥⲁⲡⲉⲥⲏⲧ. ⲟⲩⲟϩ ⲉⲩⲉ̀ⲉⲣϩⲟϯ ϧⲁⲧϩⲏ ⲙ̀ⲡⲟⲩⲧⲁⲕⲟ. ⲉⲩⲛⲁϥⲓⲁϩⲟⲙ ⲉ̀ϧⲣⲏⲓ ⲉ̀ϫⲱ.	(16) And all the princes of the nations of the sea shall come down from their thrones, and shall take off their crowns from their heads, and shall take off their embroidered raiment: they shall be utterly amazed; they shall sit upon the ground, and fear their own destruction, and shall groan over thee.	(16) καὶ καταβήσονται ἀπὸ τῶν θρόνων αὐτῶν πάντες οἱ ἄρχοντες ἐκ τῶν ἐθνῶν τῆς θαλάσσης καὶ ἀφελοῦνται τὰς µίτρας ἀπὸ τῶν κεφαλῶν αὐτῶν καὶ τὸν ἱµατισµὸν τὸν ποικίλον αὐτῶν ἐκδύσονται· ἐκστάσει ἐκστήσονται, ἐπὶ γῆν καθεδοῦνται καὶ φοβηθήσονται τὴν ἀπώλειαν αὐτῶν καὶ στενάξουσιν ἐπὶ σέ·
(ⲓ̅ⲍ̅) ⲉⲩⲉ̀ϫⲟⲥ ϫⲉ ⲟⲩ ⲁϣ ⲛ̀ⲣⲏϯ ⲑⲏ ⲉⲧⲭⲏ ϩⲓϫⲉⲛ ⲫⲓⲟⲙ ϯⲃⲁⲕⲓ ⲉⲧⲑⲙⲓⲏⲟⲩ. ⲑⲏ ⲉⲧⲁⲥϯ ⲛ̀ⲧⲉⲥϩⲟϯ. ⲉ̀ϫⲉⲛ ⲛⲏ ⲉⲧϣⲟⲡ ⲧⲏⲣⲟⲩ ⲛ̀ϧⲏⲧⲥ.	(17) And they shall take up a lamentation for thee, and shall say to thee, How art thou destroyed from out of the sea, the renowned city, that brought her terror upon all her inhabitants.	(17) καὶ λήµψονται ἐπὶ σὲ θρῆνον καὶ ἐροῦσίν σοι Πῶς κατελύθης ἐκ θαλάσσης, ἡ πόλις ἡ ἐπαινεστὴ ἡ δοῦσα τὸν φόβον αὐτῆς πᾶσι τοῖς κατοικοῦσιν αὐτήν;
(ⲓ̅ⲏ̅) ⲟⲩⲟϩ ⲉⲩⲉ̀ⲉⲣϩⲟϯ ⲛ̀ϫⲉ ⲛⲓⲛⲏⲥⲱⲥ. ⲓⲥϫⲉⲛ ⲡⲓⲉϩⲟⲟⲩ ⲛ̀ⲧⲉ ⲡⲉϩⲉⲓ.	(18) And the isles shall be alarmed at the day of thy fall.	(18) καὶ φοβηθήσονται αἱ νῆσοι ἀφ’ ἡµέρας πτώσεώς σου.
(ⲓ̅ⲑ̅) ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅ ϫⲉ ⲁⲓϣⲁⲛⲭⲁ ⲛⲉⲡⲟⲗⲓⲥ ⲟⲓ ⲛ̀ϣⲁϥⲉ. ⲙ̀ⲫⲣⲏϯ ⲛ̀ⲛⲓⲃⲁⲕⲓ ⲉⲧⲉ ⲛ̀ⲥⲉⲥⲉⲃⲧⲱⲧ ⲁⲛ ϫⲉ. ϧⲉⲛ ⲡϫⲓⲛⲑⲣⲓⲓⲛⲓ ⲉ̀ϧⲣⲏⲓ ⲉ̀ϫⲱⲟⲩ ⲙ̀ⲫⲛⲟⲩⲛ ⲟⲩⲟⲛ ⲟⲩⲙⲱⲟⲩ ⲉ̀ⲛⲁϣⲱϥ ⲛⲁϩⲱⲃⲥ ⲉ̀ⲃⲟⲗ ⲉ̀ϫⲱ.	(19) For thus saith the Lord God; When I shall make the city desolate, as the cities that shall not be inhabited, when I have brought the deep up upon thee,	(19) ὅτι τάδε λέγει κύριος κύριος Ὅταν δῶ σε πόλιν ἠρηµωµένην ὡς τὰς πόλεις τὰς µὴ κατοικηθησοµένας ἐν τῷ ἀναγαγεῖν µε ἐπὶ σὲ τὴν ἄβυσσον καὶ κατακαλύψῃ σε ὕδωρ πολύ,
(ⲕ̅) ⲟⲩⲟϩ ϯⲛⲁϭⲓ ⲙ̀ⲙⲟ ⲉ̀ⲡⲉⲥⲏⲧ ⲉ̀ⲣⲁⲧⲟⲩ ⲛ̀ⲛⲉϫⲁϫⲓ. ⲉ̀ϧⲣⲏⲓ ⲉ̀ⲡϣⲓⲕ. ⲉ̀ⲣⲁⲧϥ ⲛ̀ⲟⲩⲗⲁⲟⲥ ⲛ̀ϣⲁ ⲉⲛⲉϩ. ϯⲛⲁⲑⲣⲟⲩϣⲱⲡⲓ ϧⲉⲛ ⲑⲙⲏϯ ⲙ̀ⲡⲓⲕⲁϩⲓ. ⲙ̀ⲫⲣⲏϯ ⲛ̀ⲟⲩϣⲁϥⲉ ⲛ̀ϣⲁ ⲉⲛⲉϩ. ⲛⲉⲙ ⲛⲏ ⲉⲧϣⲉ ⲉ̀ⲡⲉⲥⲏⲧ ⲉ̀ⲫⲗⲁⲕⲕⲟⲥ. ϩⲓⲛⲁ ⲛ̀ⲧⲟⲩϣ̀ⲧⲉⲙϣⲱⲡⲓ ϧⲉⲛ ⲧⲉⲙⲏϯ. ⲟⲩⲟϩ ⲉ̀ϣ̀ⲧⲉⲙⲧⲁϩⲟ ⲉ̀ⲣⲁϯ ϩⲓϫⲉⲛ ⲡⲓⲕⲁϩⲓ ⲉⲧⲟⲛϧ.	(20) and great waters shall cover thee; and I shall bring thee down to them that go down to the pit, to the people of old time, and shall cause thee to dwell in the depths of the earth, as in everlasting desolation, with them that go down to the pit, that thou mayest not be inhabited, nor stand upon the land of life;	(20) καὶ καταβιβάσω σε πρὸς τοὺς καταβαίνοντας εἰς βόθρον πρὸς λαὸν αἰῶνος καὶ κατοικιῶ σε εἰς βάθη τῆς γῆς ὡς ἔρηµον αἰώνιον µετὰ καταβαινόντων εἰς βόθρον, ὅπως µὴ κατοικηθῇς µηδὲ ἀνασταθῇς ἐπὶ γῆς ζωῆς.
(ⲕ̅ⲁ̅) ⲉⲩⲉ̀ϯ ⲙⲙ̀ⲟ ⲉⲩⲧⲁⲕⲟ. ⲟⲩⲟϩ ⲛ̀ⲧⲉϣ̀ⲧⲉⲙϣⲱⲡⲓ ⲁⲛ ⲛ̀ϫⲉ ⲡⲉϫⲉ ⲡϭ̅ⲥ̅.	(21) I will make thee a destruction, and thou shalt be no more for ever, saith the Lord God.	(21) ἀπώλειάν σε δώσω, καὶ οὐχ ὑπάρξεις ἔτι εἰς τὸν αἰῶνα, λέγει κύριος κύριος.