Proverbs 26

Sahidic	Akhmimic	English	Greek
(ⲁ︦) ⲛ̅ⲑⲉ ⲛ̅ⲟⲩⲉⲓⲱⲧ ϩⲙ̅ ⲡⲱϩⲥ̅ ⲁⲩⲱ ⲟⲩϩⲱⲟⲩ ϩⲙ̅ ⲡϣⲱⲙ ⲉⲛⲥⲉⲧⲁⲓ̈ⲏⲩ ⲁⲛ ⲧⲁⲓ̈ ⲧⲉ ⲑⲉ ⲉⲧⲉⲙⲛ̅ⲧⲉⲁⲑⲏⲧ ⲧⲁⲓⲟ.	(ⲁ︦) ⲛ̅ⲧⳉⲉ ⲛ̅ⲟⲩⲉⲓⲱⲧⲉ ⳉⲙ ⲡⲱⲥⳉ ⲁⲟⲩ ⲟⲩϩⲟⲟⲩⲉ ⳉⲙ ⲡϣⲱⲙ ⲧⲉⲓ̈ ⲧⲉ ⲧⳉⲉ ⲉⲧⲉ ⲙⲛ̅ⲧⲉ ⲁⲑⲏⲧ ⲧⲁⲉⲓⲟ	(1) As dew in harvest, and as rain in summer, so honour is not seemly for a fool.	(1) ὥσπερ δρόσος ἐν ἀµήτῳ καὶ ὥσπερ ὑετὸς ἐν θέρει, οὕτως οὐκ ἔστιν ἄφρονι τιµή.
(ⲃ︦) ⲛ̅ⲑⲉ ⲛ̅ϩⲉⲛϩⲁⲗⲁⲧⲉ ⲙⲛ̅ ϩⲉⲛϫⲁϫ ⲉⲩϩⲏⲗ ⲧⲁⲓ̈ ⲧⲉ ⲑⲉ ⲛ̅ⲟⲩⲥⲁϩⲟⲩ ⲉϥϣⲟⲩⲉⲓⲧ ⲉⲛϥ̅ⲛⲏⲩ ⲁⲛ ⲉϫⲛ̅ ⲗⲁⲁⲩ.	(ⲃ︦) ⲛ̅ⲧⳉⲉ ⲛ̅ϩⲉⲛϩⲁⲗⲉⲧⲉ ⲙⲛ̅ ϩⲉⲛϫⲉϫ ⲉⲩϩⲏⲗ ⲧⲉⲓ̈ ⲧⲉ ⲧⳉⲉ ⲛ̅ⲟⲩⲥⲁϩⲟⲩ ⲉϥϣⲟⲩⲉⲓⲧ ⲉϥⲛⲏⲟⲩ ⲉⲛ ⲁϫⲛ̅ ⲗⲁⲩⲉ	(2) As birds and sparrows fly, so a curse shall not come upon any one without a cause.	(2) ὥσπερ ὄρνεα πέταται καὶ στρουθοί, οὕτως ἀρὰ µαταία οὐκ ἐπελεύσεται οὐδενί.
(ⲅ︦) ⲟⲩⲙⲁⲥⲧⲓⲅⲝ̅ ⲛ̅ⲟⲩϩⲧⲟ ⲁⲩⲱ ⲟⲩϫⲟⲟⲕⲉϥ ⲛ̅ⲟⲩⲉⲓⲱ ⲟⲩϭⲉⲣⲱⲃ ⲇⲉ ⲛ̅ⲟⲩϩⲉⲑⲛⲟⲥ ⲛ̅ⲁⲑⲏⲧ.	(ⲅ︦) ⲟⲩⲙⲁⲥⲧⲓⲅⲝ ⲛ̅ⲟⲩϩⲧⲱ ⲁⲟⲩ ⲟⲩϫⲁⲕϥ ⲛ̅ⲟⲩⲓ̈ⲟⲩ ⲟⲩϭⲉⲣⲱⲃ ⲇⲉ ⲛ̅ⲟⲩϩⲉⲑⲛⲟⲥ ⲛ̅ⲁⲑⲏⲧ	(3) As a whip for a horse, and a goad for an ass, so is a rod for a simple nation.	(3) ὥσπερ µάστιξ ἵππῳ καὶ κέντρον ὄνῳ, οὕτως ῥάβδος ἔθνει παρανόµῳ.
(ⲇ︦) ⲙ̅ⲡⲣ̅ⲟⲩⲱϣⲃ̅ ⲛ̅ⲟⲩⲁⲑⲏⲧ ⲕⲁⲧⲁ ⲧⲙⲛ̅ⲧⲁⲑⲏⲧ ⲙ̅ⲡⲉⲧⲙ̅ⲙⲁⲩ ϫⲉ ⲛ̅ⲛⲉⲕⲣ̅ ⲧⲉϥϩⲉ.	(ⲇ︦) ⲙⲛ̅ⲟⲩⲱϣⲃⲉ ⲛ̅ⲟⲩⲁⲑⲏⲧ ⲕⲁⲧⲁ ⲧⲙⲛ̅ⲧⲁⲑⲏⲧ ⲙ̅ⲡⲉⲧⲙ̅ⲙⲟ ϫⲉ ⲛⲉⲕⲣ̅ⲧϥ̅ⳉⲉ	(4) Answer not a fool according to his folly, lest thou become like him.	(4) µὴ ἀποκρίνου ἄφρονι πρὸς τὴν ἐκείνου ἀφροσύνην, ἵνα µὴ ὅµοιος γένῃ αὐτῷ·
(ⲉ︦) ⲁⲗⲗⲁ ⲟⲩⲱϣⲃ̅ ⲛ̅ⲟⲩⲁⲑⲏⲧ ⲟⲩⲃⲉ ⲧⲉϥⲙⲛ̅ⲧⲁⲑⲏⲧ ϫⲉ ⲛ̅ⲛⲉϥⲟⲩⲱⲛϩ̅ ⲉⲃⲟⲗ ⲛ̅ⲥⲟⲫⲟⲥ ⲛ̅ⲛⲁϩⲣⲁϥ ⲙⲁⲩⲁⲁϥ.	(ⲉ︦) ⲁⲗⲗⲁ ⲟⲩⲱϣⲃⲉ ⲛ̅ⲟⲩⲁⲑⲏⲧ ⲟⲩⲃⲉ ⲧⲙⲛ̅ⲧⲁⲑⲏⲧ ϫⲉ ⲛⲉϥⲟⲩⲱⲛϩ̅ ⲁⲃⲁⲗ ⲛ̅ⲥⲟⲫⲟⲥ ⲛ̅ⲛⲁϩⲣⲉϥ ⲟⲩⲁⲉⲉⲧϥ	(5) Yet answer a fool according to his folly, lest he seem wise in his own conceit.	(5) ἀλλὰ ἀποκρίνου ἄφρονι κατὰ τὴν ἀφροσύνην αὐτοῦ, ἵνα µὴ φαίνηται σοφὸς παρ’ ἑαυτῷ.
(ⲋ︦) ⲁⲩⲱ ϣⲁϥϫⲡⲟ ⲛ̅ⲟⲩⲛⲟϭⲛⲉϭ ⲉⲃⲟⲗ ϩⲛ̅ ⲛⲉϥϣⲁϫⲉ ⲉⲕϣⲁⲛϫⲟⲟⲩ ⲛ̅ⲟⲩϣⲁϫⲉ ϩⲓⲧⲛ̅ ⲟⲩϥⲁⲓϣⲓⲛⲉ ⲛ̅ⲁⲑⲏⲧ.	(ⲋ︦) ⲁⲟⲩ ⳉⲁⲣⲉϥⲧⳉⲡⲟ ⲛ̅ⲟⲩⲛⲁϭⲛⲉϭ ⲁⲃⲁⲗ ⳉⲛ̅ ⲛⲉϥϣⲉϫⲉ ⲡⲉⲧϫⲁⲩ ⲛ̅ⲟⲩϣⲉϫⲉ ϩⲓⲧⲛ̅ ⲟⲩϥⲁⲓ̈ϣⲓⲛⲉ ⲛ̅ⲁⲑⲏⲧ	(6) He that sends a message by a foolish messenger procures for himself a reproach from his own ways.	(6) ἐκ τῶν ἑαυτοῦ ποδῶν ὄνειδος πίεται ὁ ἀποστείλας δι’ ἀγγέλου ἄφρονος λόγον.
(ⲍ︦) ϥⲓ ⲙ̅ⲙⲁⲩ ⲛ̅ⲧⲉϩⲓⲏ ⲛ̅ⲛⲉϥⲟⲩⲉⲣⲏⲧⲉ ⲁⲩⲱ ⲟⲩⲡⲁⲣϩⲟⲓⲙⲓⲁ ⲉⲃⲟⲗ ϩⲛ̅ⲣⲱⲟⲩ ⲛ̅ⲛ̅ⲁⲑⲏⲧ.	(ⲍ︦) ϥϥⲓ ⲙ̅ⲡⳉⲟ ⲛ̅ⲛⲉϥⲟⲩⲉⲣⲏⲧⲉ ⲁⲟⲩ ⲟⲩⲡⲁⲣϩⲟⲓⲙⲓⲁ ⲁⲃⲁⲗ ⳉⲛ̅ ⲣⲱⲟⲩ ⲛ̅ⲛ̅ⲁⲑⲏⲧ	(7) As well take away the motion of the legs, as transgression from the mouth of fools.	(7) ἀφελοῦ πορείαν σκελῶν καὶ παροιµίαν ἐκ στόµατος ἀφρόνων.
(ⲏ︦) ⲛ̅ⲑⲉ ⲙ̅ⲡⲉⲧⲛⲁⲙⲟⲩⲣ ⲛ̅ⲟⲩⲱⲛⲉ ϩⲛ̅ ⲟⲩⲥⲫⲉⲛⲇⲟⲛⲏ ⲧⲁⲓ̈ ⲧⲉ ⲑⲉ ⲙ̅ⲡⲉⲧϯⲉⲟⲟⲩ ⲛ̅ⲟⲩⲁⲑⲏⲧ.	(ⲏ︦) ⲛ̅ⲧⳉⲉ ⲙ̅ⲡⲉⲧⲛⲁⲙⲟⲩⲣ ⲛ̅ⲟⲩⲱⲛⲉ ⳉⲛ̅ ⲟⲩⲥⲫⲉⲛⲇⲟⲛⲏ ⲧⲉⲓ̈ ⲧⲉ ⲧⳉⲉ ⲙ̅ⲡⲉⲧϯⲉⲁⲩ ⲛ̅ⲟⲩⲁⲑⲏⲧ	(8) He that binds up a stone in a sling, is like one that gives glory to a fool.	(8) ὃς ἀποδεσµεύει λίθον ἐν σφενδόνῃ, ὅµοιός ἐστιν τῷ διδόντι ἄφρονι δόξαν.
(ⲑ︦) ϣⲁⲣⲉ ϩⲉⲛϣⲟⲛⲧⲉ ⲣⲱⲧ ϩⲛ̅ ⲛ̅ϭⲓϫ ⲙ̅ⲡⲣⲉϥϯϩⲉ ⲁⲩⲱ ⲟⲩⲙⲛ̅ⲧϩⲙ̅ϩⲁⲗ ϩⲛ̅ ⲛ̅ϭⲓϫ ⲛ̅ⲛ̅ⲁⲑⲏⲧ.	(ⲑ︦) ⳉⲁⲣⲉ ϩⲉⲛϣⲁⲛⲧⲉ ⲣⲱⲧ ⳉⲛ̅ ⲛ̅ϭⲓϫ ⲙ̅ⲡⲣⲉϥϯⳉⲉ ⲁⲟⲩ ⲟⲩⲙⲛ̅ⲧⳉⲙ̅ⳉⲉⲗ ⳉⲛ̅ ⲛ̅ϭⲓϫ ⲙ̅ⲡⲁⲑⲏⲧ	(9) Thorns grow in the hand of a drunkard, and servitude in the hand of fools.	(9) ἄκανθαι φύονται ἐν χειρὶ τοῦ µεθύσου, δουλεία δὲ ἐν χειρὶ τῶν ἀφρόνων.
(ⲓ︦) ϣⲁⲣⲉ ⲣⲱⲙⲉ ⲛⲓⲙ ⲥⲱⲃⲉ ⲛ̅ⲥⲁ ⲛ̅ⲁⲑⲏⲧ ⲁⲩⲱ ⲧⲉⲩϩⲓⲏ ⲅⲁⲣ ⲛⲁⲧⲁⲕⲟ.	(ⲓ︦) ⳉⲁⲣⲉ ⲣⲱⲙⲉ ⲛⲓⲙ ⲥⲱⲃⲉ ⲥⲉ ⲛⲁⲑⲏⲧ ⲡⲟⲩⳉⲉ ⲅⲁⲣ ⲛⲁⲧⲉⲕⲟ	(10) All the flesh of fools endures much hardship; for their fury is brought to nought.	(10) πολλὰ χειµάζεται πᾶσα σὰρξ ἀφρόνων· συντρίβεται γὰρ ἡ ἔκστασις αὐτῶν.
(ⲓ︦ⲁ︦) ⲛ̅ⲑⲉ ⲛ̅ⲟⲩϩⲟⲟⲣ ⲉϣⲁϥⲕⲟⲧϥ̅ ⲉⲡⲉϥⲕⲁⲃⲟⲗ ⲛ̅ⲥⲉⲙⲉⲥⲧⲱϥ ⲧⲁⲓ̈ ⲧⲉ ⲑⲉ ⲙ̅ⲡⲁⲑⲏⲧ ϩⲛ̅ ⲧⲉϥⲕⲁⲕⲓⲁ ⲉϣⲁϥⲕⲟⲧϥ̅ ⲉⲡⲉϥⲛⲟⲃⲉ ⲟⲩⲛ̅ ⲟⲩϣⲓⲡⲉ ⲉϣⲁϥϫⲡⲉ ⲛⲟⲃⲉ ⲁⲩⲱ ⲟⲩⲛ̅ ⲟⲩϣⲓⲡⲉ ⲉⲩⲉⲟⲟⲩ ⲡⲉ ⲙⲛ̅ ⲟⲩⲭⲁⲣⲓⲥ.	(ⲓ︦ⲁ︦) ⲛ̅ⲧⳉⲉ ⲛ̅ⲟⲩⲟⲩϩⲁⲣ ⲉⳉⲁⲣⲉϥⲕⲧⲁϥ ⲁⲡϥ̅ⲕⲁⲃⲁⲗ ⲥⲉⲙⲉⲥⲧⲱϥ ⲧⲉⲓ̈ ⲧⲉ ⲧⳉⲉ ⲙ̅ⲡⲁⲑⲏⲧ ⳉⲛ̅ ⲧϥ̅ⲕⲁⲕⲓⲁ ⲉⳉⲁⲣⲉϥⲕⲧⲁϥ ⲁⲛⲉϥⲛⲁⲃⲉ ⲟⲩⲛ̅ ⲟⲩϣⲓⲡⲉ ⲉⳉⲁⲣⲉϥⲧⳉⲡⲟ ⲡⲛⲁⲃⲉ ⲁⲟⲩ ⲟⲩⲛ̅ ⲟⲩϣⲓⲡⲉ ⲉⲩⲉⲁⲩ ⲡⲉ ⲙⲛ̅ ⲟⲩϩⲙⲁⲧ	(11) As when a dog goes to his own vomit, and becomes abominable, so is fool who returns in his wickedness to his own sin. (11a) There is a shame that brings sin: and there is a shame that is glory and grace.	(11) ὥσπερ κύων ὅταν ἐπέλθῃ ἐπὶ τὸν ἑαυτοῦ ἔµετον καὶ µισητὸς γένηται, οὕτως ἄφρων τῇ ἑαυτοῦ κακίᾳ ἀναστρέψας ἐπὶ τὴν ἑαυτοῦ ἁµαρτίαν. (11a) ἔστιν αἰσχύνη ἐπάγουσα ἁµαρτίαν, καὶ ἔστιν αἰσχύνη δόξα καὶ χάρις.
(ⲓ︦ⲃ︦) ⲁⲓ̈ⲛⲁⲩ ⲉⲩⲣⲱⲙⲉ ⲉϥⲙⲉⲉⲩⲉ ⲉⲣⲟϥ ⲟⲩⲁⲁϥ ϫⲉ ⲟⲩⲥⲁⲃⲉ ⲡⲉ ⲟⲩⲛ̅ⲧⲉ ⲡⲁⲑⲏⲧ ⲇⲉ ϩⲉⲗⲡⲓⲥ ⲉϩⲟⲩⲟ ⲉⲣⲟϥ.	(ⲓ︦ⲃ︦) ⲁⲉⲓⲛⲟ ⲁⲩⲣⲱⲙⲉ ⲉϥⲙⲉⲩⲉ ⲁⲣⲁϥ ϫⲉ ⲟⲩⲥⲁⲃⲉ ⲡⲉ ⲟⲩⲛ̅ⲧⲉ ⲡⲁⲑⲏⲧ ⲇⲉ ϩⲉⲗⲡⲓⲥ ⲛ̅ϩⲟⲩⲟ ⲁⲣⲁϥ	(12) I have seen a man who seemed to himself to be wise; but a fool had more hope than he.	(12) εἶδον ἄνδρα δόξαντα παρ’ ἑαυτῷ σοφὸν εἶναι, ἐλπίδα µέντοι ἔσχεν µᾶλλον ἄφρων αὐτοῦ.
(ⲓ︦ⲅ︦) ϣⲁⲣⲉ ⲡⲣⲉϥϫⲛⲁⲁⲩ ϫⲟⲟⲥ ϫⲉ ⲉⲩⲛⲁϫⲟⲟⲩϥ ⲉⲩϩⲓⲏ ϫⲉ ⲡⲙⲟⲩⲓ ϩⲛ̅ ⲛⲉϩⲓⲟⲟⲩⲉ ⲁⲩⲱ ⲥⲉϩⲱⲧⲃ̅ ⲙ̅ⲙⲟⲟⲩ ϩⲛ̅ ⲛⲉⲡⲗⲁⲧⲓⲁ.	(ⲓ︦ⲅ︦) ⳉⲁⲣⲉ ⲡⲣⲉϥϫⲛⲟ ϫⲟⲟⲥ ⲉⲩⲛⲁϫⲁⲩϥ ⲁⲩⳉⲟ ϫⲉ ⲡⲙⲟⲩⲉⲓ ϩⲓ ⲛ̅ⳉⲱⲟⲩ ⲁⲟⲩ ⲥⲉⳉⲱⲧⲃⲉ ϩⲓ ⲙ̅ⲡⲗⲁⲧⲓⲁ	(13) A sluggard when sent on a journey says, There is a lion in the ways, and there are murderers in the streets.	(13) λέγει ὀκνηρὸς ἀποστελλόµενος εἰς ὁδόν Λέων ἐν ταῖς ὁδοῖς.
(ⲓ︦ⲇ︦) ⲛ̅ⲑⲉ ⲛⲟⲩⲣⲟ ⲉϥⲕⲱⲧⲉ ϩⲓϫⲙ̅ ⲡⲉϥⲙⲉϣϯⲃⲥ ⲧⲁⲓ ⲧⲉ ⲑⲉ ⲛⲟⲩⲣⲉϥϫⲛⲁⲁⲩ ϩⲓ ⲡⲉϥϭⲗⲟϭ.	(ⲓ︦ⲇ︦) ⲛ̅ⲧⳉⲉ ⲛ̅ⲟⲩⲣⲟ ⲉϥⲕⲱⲧⲉ ⲁϫⲙ̅ ⲡϥ̅ⲕⲟⲩⲣ ⲧⲉⲓ̈ ⲧⲉ ⲧⳉⲉ ⲛ̅ⲟⲩⲣⲉϥϫⲛⲟ ϩⲓ ⲡϥϭⲗⲁϭ	(14) As a door turns on the hinge, so does a sluggard on his bed.	(14) ὥσπερ θύρα στρέφεται ἐπὶ τοῦ στρόφιγγος, οὕτως ὀκνηρὸς ἐπὶ τῆς κλίνης αὐτοῦ.
(ⲓ︦ⲉ︦) ϣⲁⲣⲉ ⲡⲣⲉϥϫⲛⲁⲁⲩ ⲕⲗϫ̅ ⲛⲉϥϭⲓϫ ϩⲁⲕⲟⲩⲛϥ ⲛϥ̅ⲧⲙⲉϣⲛⲧⲟⲩ ⲉⲣⲱϥ.	(ⲓ︦ⲉ︦) ⳉⲁⲣⲉ ⲡⲣⲉϥϫⲛⲟ ϭⲱⲗϭ ⲛⲉϥϭⲓϫ ⳉⲁ ⲕⲟⲟⲛⲉϥ ϥⲧⲙ̅ⲟⲩⲱⳉ ⲛ̅ⲧⲟⲩ ⲁⲣⲱϥ	(15) A sluggard having hid his hand in his bosom, will not be able to bring it up to his mouth.	(15) κρύψας ὀκνηρὸς τὴν χεῖρα ἐν τῷ κόλπῳ αὐτοῦ οὐ δυνήσεται ἐπενεγκεῖν ἐπὶ τὸ στόµα.
(ⲓ︦ⲋ︦) ⲟⲩⲥⲁⲃⲉ ⲡⲉ ⲡⲣⲉϥϫⲛⲁⲁⲩ ⲛⲁϥ ⲟⲩⲁⲁϥ ⲉϩⲟⲩⲉ ⲡⲉⲧⲧⲥⲓⲏⲩ ⲉⲧⲥⲧⲟ ⲉⲃⲟⲗ ⲛ̅ⲟⲩⲟⲩⲱ.	(ⲓ︦ⲋ︦) ⲟⲩⲥⲁⲃⲉ ⲡⲉ ⲡⲣⲉϥϫⲛⲟ ⲛⲉϥ ⲟⲩⲁϩⲉⲉⲧϥ ⲛ̅ϩⲟⲩⲟ ⲁⲡⲉⲧⲥⲏⲟⲩ ⲉⲧⲥⲧⲟ ⲁⲃⲁⲗ ⲛ̅ⲟⲩⲟⲩⲟⲩ	(16) A sluggard seems to himself wiser than one who most satisfactorily brings back a message.	(16) σοφώτερος ἑαυτῷ ὀκνηρὸς φαίνεται τοῦ ἐν πλησµονῇ ἀποκοµίζοντος ἀγγελίαν.
(ⲓ︦ⲍ︦) ⲛ̅ⲑⲉ ⲙ̅ⲡⲉⲧⲁⲙⲁϩⲧⲉ ⲙ̅ⲡⲥⲁⲧ ⲛ̅ⲟⲩⲟⲩϩⲟⲟⲣ ⲧⲁⲓ̈ ⲧⲉ ⲑⲉ ⲙ̅ⲡⲉⲧⲁϩⲉⲣⲉⲧϥ̅ ⲙ̅ⲡⲃⲟⲗ ⲛ̅ⲟⲩⲙⲓϣⲉ ⲉⲙⲡⲱϥ ⲁⲛ ⲡⲉ.	(ⲓ︦ⲍ︦) ⲛ̅ⲧⳉⲉ ⲙ̅ⲡⲉⲧⲉⲙⲁϩⲧⲉ ⲙ̅ⲡⲥⲉⲧ ⲛ̅ⲟⲩⲟⲩϩⲁⲣ ⲧⲉⲓ̈ ⲧⲉ ⲧⳉⲉ ⲙ̅ⲡⲉⲧⲁϩⲉ ⲁⲣⲉⲧϥ̅ ⲙ̅ⲡⲃⲗ̅ ⲛ̅ⲟⲩⲙⲓⳉⲉ ⲉⲡⲱϥ ⲉⲛ ⲡⲉ	(17) As he that lays hold of a dog’s tail, so is he that makes himself the champion of another’s cause.	(17) ὥσπερ ὁ κρατῶν κέρκου κυνός, οὕτως ὁ προεστὼς ἀλλοτρίας κρίσεως.
(ⲓ︦ⲏ︦) ⲛ̅ⲑⲉ ⲛ̅ⲛⲉⲧϫⲱⲛⲧ̅ ⲉⲧⲛⲟⲩϫⲉ ⲉϩⲟⲩⲛ ⲛ̅ϩⲉⲛϣⲁϫⲉ ⲉⲛ̅ⲣⲱⲙⲉ ⲉⲡⲉⲧⲛⲁⲧⲱⲙⲧ̅ ⲇⲉ ⲉⲡϣⲁϫⲉ ⲛ̅ϣⲟⲣⲡ̅ ⲛⲁⲥⲗⲁⲁⲧⲉ.	(ⲓ︦ⲏ︦) ⲛ̅ⲧⳉⲉ ⲛ̅ⲛⲉⲧϫⲱⲛⲧ ⲁⲧⲱⲕⲉ ⲁⳉⲟⲩⲛ ⲛ̅ϩⲉⲛϣⲉϫⲉ ⲁⲛⲣⲱⲙⲉ ⲡⲉⲧⲛⲁⲧⲱⲙⲧ ⲇⲉ ⲁⲡϣⲉϫⲉ ⲛ̅ⳉⲁⲣⲡ ⲛⲁⲥⲗⲁⲁⲧⲉ	(18) As those who need correction put forth fair words to men, and he that first falls in with the proposal will be overthrown;	(18) ὥσπερ οἱ ἰώµενοι προβάλλουσιν λόγους εἰς ἀνθρώπους, ὁ δὲ ἀπαντήσας τῷ λόγῳ πρῶτος ὑποσκελισθήσεται,
(ⲓ︦ⲑ︦) ⲧⲁⲓ̈ ⲧⲉ ⲑⲉ ⲛ̅ⲟⲩⲟⲛ ⲛⲓⲙ ⲉⲧϭⲱⲱⲣϭ̅ ⲉⲛⲉⲩϣⲃⲉⲉⲣ ⲉⲩϣⲁⲛⲧⲁϩⲟ ⲟⲩⲇⲉ ϣⲁⲩϫⲟⲟⲥ ϫⲉ ⲛ̅ⲧⲁⲓ̈ⲁⲁⲥ ⲉⲓ̈ⲥⲱⲃⲉ.	(ⲓ︦ⲑ︦) ⲧⲉⲓ̈ ⲧⲉ ⲧⳉⲉ ⲛ̅ⲟⲩⲁⲛ ⲛⲓⲙ ⲉⲧϭⲱⲣϭ ⲁⲛⲉϥⳉⲃⲉⲉⲣⲉ ⲁⲩϣⲁⲧⲉϩⲁϥ ⲇⲉ ⳉⲁⲣⲉϥϫⲟⲟⲥ ϫⲉ ⲛⲧⲁⲉⲓⲉⲉⲥ ⲉⲓ̈ⲥⲱⲃⲉ	(19) so are all that lay wait for their own friends, and when they are discovered, say, I did it in jest.	(19) οὕτως πάντες οἱ ἐνεδρεύοντες τοὺς ἑαυτῶν φίλους, ὅταν δὲ φωραθῶσιν, λέγουσιν ὅτι Παίζων ἔπραξα.
(ⲕ︦) ϣⲁⲣⲉ ⲡⲕⲱϩⲧ̅ ⲙⲟⲩϩ ϩⲛ̅ ϩⲁϩ ⲛ̅ϣⲉ ⲡⲙⲓϣⲉ ⲇⲉ ⲛⲁϭⲱ ϩⲙ̅ ⲡⲙⲁ ⲉⲧⲉⲙⲛ̅ⲣⲉϥϭⲱⲛⲧ̅ ⲛ̅ϩⲏⲧϥ̅.	(ⲕ︦) ⳉⲁⲣⲉ ⲡⲕⲱϩⲧ ϫⲉⲣⲟ ⳉⲛ̅ ϩⲁϩ ⲛ̅ⳉⲉ ⲡⲙⲓⳉⲉ ⲇⲉ ⲛⲁϭⲟⲩ ⳉⲙ̅ ⲡⲙⲁ ⲉⲧⲉ ⲟⲩⲛ̅ ⲣⲉϥϭⲱⲛⲧ ⲛ̅ⳉⲏⲧϥ	(20) With much wood fire increases; but where there is not a double-minded man, strife ceases.	(20) ἐν πολλοῖς ξύλοις θάλλει πῦρ, ὅπου δὲ οὐκ ἔστιν δίθυµος, ἡσυχάζει µάχη.
(ⲕ︦ⲁ︦) ϩⲉⲛϫⲃ̅ⲃⲥ ⲙⲛ̅ⲟⲩⲉⲥⲭⲁⲣⲁ ⲁⲩⲱ ϩⲉⲛϣⲉ ϩⲙ̅ ⲡⲕⲱϩⲧ̅ ⲟⲩⲣⲱⲙⲉ ϩⲱⲱϥ ⲛ̅ⲣⲉϥⲥⲁϩⲟⲩ ⲉϥϣⲧⲟⲣⲧⲣ̅ ⲛ̅ⲟⲩⲙⲓϣⲉ.	(ⲕ︦ⲁ︦) ⲛ̅ϫⲃ̅ⲃⲉⲥ ⲛ̅ⲟⲩⲉⲥⲭⲁⲣⲁ ⲁⲟⲩ ϩⲉⲛⳉⲉ ⲙ̅ⲡⲕⲱϩⲧ̅ ⲟⲩⲣⲱⲙⲉ ϩⲟⲩⲟⲩϥ ⲛ̅ⲣⲉϥⲥⲁϩⲟⲩ ⲉϥⳉⲧⲁⲣⲧⲣⲉ ⲛ̅ⲟⲩⲙⲓⳉⲉ	(21) A hearth for coals, and wood for fire; and railing man for the tumult of strife.	(21) ἐσχάρα ἄνθραξιν καὶ ξύλα πυρί, ἀνὴρ δὲ λοίδορος εἰς ταραχὴν µάχης.
(ⲕ︦ⲃ︦) ⲛ̅ϣⲁϫⲉ ⲙ̅ⲡⲕ̅ⲟⲣϣϥ̅ ϭⲏⲛ ⲛⲁⲓ̈ ⲇⲉ ⲣⲱϩⲧ̅ ⲉϩⲟⲩⲛ ⲉⲛⲧⲁⲙⲓⲟⲛ ⲛ̅ⲑⲏ.	(ⲕ︦ⲃ︦) ⲛ̅ϣⲉϫⲉ ⲙ̅ⲡⲕⲁⲣϣϥ̅ ϭⲏⲛ ⲛⲉⲓ̈ ⲇⲉ ⲣⲱϩⲧ ⲁⳉⲟⲩⲛ ⲁⲛⲧⲁⲙⲓⲟⲛ ⲛ̅ⲧⳉⲓ	(22) The words of cunning knaves are soft; but they smite even to the inmost parts of the bowels.	(22) λόγοι κερκώπων µαλακοί, οὗτοι δὲ τύπτουσιν εἰς ταµιεῖα σπλάγχνων.
(ⲕ︦ⲅ︦) ⲛ̅ⲑⲉ ⲛ̅ϩⲉⲛⲃⲗ̅ϫⲉ ⲡⲉ ⲟⲩϩⲁⲧ ⲉⲩϯ ⲙ̅ⲙⲟϥ ϩⲛ̅ ⲟⲩⲕⲣⲟϥ ϣⲁⲣⲉ ϩⲉⲛⲥⲡⲟⲧⲟⲩ ⲛ̅ⲕⲣⲟϥ ϩⲃ̅ⲥ ⲟⲩϩⲏⲧ ⲛ̅ⲣⲉϥⲗⲩⲡⲏ.	(ⲕ︦ⲅ︦) ⲛ̅ⲧⳉⲉ ⲛ̅ϩⲉⲛⲃⲗ̅ϫⲉ ⲡⲉ ⲟⲩϩⲉⲧ ⳉⲛ̅ ⲟⲩⲕⲣⲁϥ ⳉⲁⲣⲉ ϩⲉⲛⲥⲡⲁⲧⲟⲩ ⲛ̅ⲕⲣⲁϥ ϩⲱⲃⲥ ⲟⲩϩⲏⲧ ⲛ̅ⲣⲉϥⲣ̅ⲗⲩⲡⲉⲓ	(23) Silver dishonestly given is to be considered as a potsherd: smooth lips cover a grievous heart.	(23) ἀργύριον διδόµενον µετὰ δόλου ὥσπερ ὄστρακον ἡγητέον. χείλη λεῖα καρδίαν καλύπτει λυπηράν.
(ⲕ︦ⲇ︦) ϣⲁⲣⲉ ⲡϫⲁϫⲉ ⲟⲩⲱϣⲃ̅ ⲉϥϫⲱⲣⲙ̅ ⲉⲟⲩⲟⲛ ⲛⲓⲙ ϩⲓ ⲛⲉϥⲥⲡⲟⲧⲟⲩ ϥⲙⲉⲉⲩⲉ ⲇⲉ ϩⲙ̅ ⲡⲉϥϩⲏⲧ ⲉϩⲉⲛⲕⲣⲟϥ.	(ⲕ︦ⲇ︦) ⳉⲁⲣⲉ ⲡϫⲁϫⲉ ⲣⲓⲙⲉ ⲉϥϫⲱⲣⲙⲉ ⲁⲟⲩⲁⲛ ⲛⲓⲙ ⳉⲛ̅ ⲛⲉϥⲥⲡⲁⲧⲟⲩ ϥⲙⲉⲩⲉ ⲇⲉ ⳉⲙ̅ ⲡϥ̅ϩⲏⲧ ⲁϩⲉⲛⲕⲣⲁϥ	(24) A weeping enemy promises all things with his lips, but in his heart he contrives deceit.	(24) χείλεσιν πάντα ἐπινεύει ἀποκλαιόµενος ἐχθρός, ἐν δὲ τῇ καρδίᾳ τεκταίνεται δόλους·
(ⲕ︦ⲉ︦) ⲉⲣϣⲁⲛ ⲡⲉⲕϫⲁϫⲉ ⲥⲡⲥⲱⲡⲕ̅ ⲉϥⲕⲱⲣϣ̅ ϩⲛ̅ ⲧⲉϥⲥⲙⲏ ⲙ̅ⲡⲣ̅ⲥⲱⲧⲙ̅ ⲛ̅ⲥⲱϥ ⲟⲩⲛ̅ ⲥⲁϣϥⲉ ⲅⲁⲣ ⲙ̅ⲡⲟⲛⲏⲣⲓⲁ ϩⲙ̅ ⲡⲉϥϩⲏⲧ.	(ⲕ︦ⲉ︦) ⲁϣⲁ ⲡⲕ̅ϫⲁϫⲉ ⲥⲉⲡⲥⲱⲡⲕ̅ ⲉϥⲕⲱⲣϣ ⳉⲛ̅ ⲧϥ̅ⲥⲙⲓ ⲙⲛ̅ⲥⲱⲧⲙⲉ ⲛ̅ⲥⲱϥ ⲟⲩⲛ̅ ⲥⲁⳉϥⲉ ⲅⲁⲣ ⲙ̅ⲡⲟⲛⲏⲣⲓⲁ ⳉⲙ̅ ⲡϥ̅ϩⲏⲧ	(25) Though thine enemy intreat thee with a loud voice, consent not: for there are seven abominations in his heart.	(25) ἐάν σου δέηται ὁ ἐχθρὸς µεγάλῃ τῇ φωνῇ, µὴ πεισθῇς· ἑπτὰ γάρ εἰσιν πονηρίαι ἐν τῇ ψυχῇ αὐτοῦ.
(ⲕ︦ⲋ︦) ⲡⲉⲧϩⲱⲡ ⲛ̅ⲟⲩⲙⲛ̅ⲧϫⲁϫⲉ ϣⲁϥⲧⲟⲩⲛⲉⲥ ⲟⲩⲡⲟⲛⲏⲣⲓⲁ ϣⲁⲣⲉ ⲟⲩⲥⲁⲃⲉ ⲇⲉ ϭⲱⲗⲡ̅ ⲉⲃⲟⲗ ⲛ̅ⲛⲉϥⲛⲟⲃⲉ ϩⲛ̅ ⲟⲩⲙⲏⲏϣⲉ.	(ⲕ︦ⲋ︦) ⲡⲉⲧϩⲱⲡ ⲛ̅ⲟⲩⲙⲛ̅ⲧϫⲁϫⲉ ⳉⲁⲣⲉϥⲧⲟⲩⲛⲟⲩⲥ ⲟⲩⲡⲟⲛⲏⲣⲓⲁ ⳉⲁⲣⲉ ⲟⲩⲥⲁⲃⲉ ⲇⲉ ϭⲱⲗⲡ ⲁⲃⲁⲗ ⲛ̅ⲛⲉϥⲛⲁⲃⲉ ⳉⲛ̅ ⲟⲩⲙⲓⲉⲓϣⲉ	(26) He that hides enmity frames deceit: but being easily discerned, exposes his own sins in the public assemblies.	(26) ὁ κρύπτων ἔχθραν συνίστησιν δόλον, ἐκκαλύπτει δὲ τὰς ἑαυτοῦ ἁµαρτίας εὔγνωστος ἐν συνεδρίοις.
(ⲕ︦ⲍ︦) ⲡⲉⲧϣⲓⲕⲉ ⲛ̅ⲟⲩϩⲓⲉⲓⲧ ⲉⲡⲉⲧϩⲓⲧⲟⲩⲱϥ ϥⲛⲁϩⲉ ⲉϩⲣⲁⲓ̈ ⲉⲣⲟϥ ⲡⲉⲧⲥⲕⲟⲣⲕⲣ̅ ⲇⲉ ⲛ̅ⲟⲩⲱⲛⲉ ⲉϥⲛⲁϩⲉ ⲉϫⲱϥ.	(ⲕ︦ⲍ︦) ⲡⲉⲧϣⲓⲕⲉ ⲛ̅ⲟⲩϩⲓⲉⲓⲧ ⲁⲡⲉⲧϩⲓⲧⲟⲩⲱϥ ⲁϥⲛⲁϩⲉⲓ̈ⲉ ⲁⲣⲁϥ ⲡⲉⲧⲥⲕⲁⲣⲕⲣⲉ ⲇⲉ ⲛ̅ⲟⲩⲱⲛⲉ ⲁϥⲛⲁϩⲉⲓ̈ⲉ ⲁϫⲱϥ	(27) He that digs a pit for his neighbour shall fall into it: and he that rolls a stone, rolls it upon himself.	(27) ὁ ὀρύσσων βόθρον τῷ πλησίον ἐµπεσεῖται εἰς αὐτόν, ὁ δὲ κυλίων λίθον ἐφ’ ἑαυτὸν κυλίει.
(ⲕ︦ⲏ︦) ⲡⲗⲁⲥ ⲛ̅ⲛⲟⲩϫ ⲙⲟⲥⲧⲉ ⲛ̅ⲧⲙⲉ ⲧⲧⲁⲡⲣⲟ ⲇⲉ ⲉϣⲧⲣⲧⲱⲣ ⲛⲁⲉⲓⲣⲉ ⲛ̅ϩⲉⲛϣⲧⲟⲣⲧⲣ̅.	(ⲕ︦ⲏ︦) ⲡⲗⲉⲥ ⲛ̅ⲛⲟⲩϫ ⲙⲁⲥⲧⲉ ⲛ̅ⲧⲙⲓⲉ ⲧⲧⲁⲡⲣⲟ ⲇⲉ ⲉⲧⳉⲧⲣ̅ⲧⲁⲣⲧ ⲛⲁⲉⲓⲣⲉ ⲛ̅ϩⲉⲛⳉⲧⲁⲣⲧⲣⲉ	(28) A lying tongue hates the truth; and an unguarded mouth causes tumults.	(28) γλῶσσα ψευδὴς µισεῖ ἀλήθειαν, στόµα δὲ ἄστεγον ποιεῖ ἀκαταστασίας.