| ⲡⲓⲯⲁⲗⲙⲟⲥ ⲣⲓ̅ⲇ̅. ⲁⲗⲗⲏⲗⲟⲩⲓⲁ. | ⲣ̅ⲓ̅ⲉ̅. ⲁⲗⲗⲏⲗⲟⲩⲓ̈ⲁ | Alleluia. | Αλληλουια. |
| (ⲁ̅) (114:1) ⲁⲓⲉⲣⲁⲅⲁⲡⲁⲛ ϫⲉ ϥⲛⲁⲥⲱⲧⲉⲙ ⲛ̀ϫⲉ ⲡϭ̅ⲥ̅ ⲉⲧⲥⲙⲏ ⲛ̀ⲧⲉ ⲡⲁϯϩⲟ: | (ⲁ︦) ⲁⲓⲙⲉⲣⲉ ⲡⲁⲓ ϫⲉ ⲡϫⲟⲉⲓⲥ ⲛⲁⲥⲱⲧⲙ̅ ⲉⲡⲉϩⲣⲟⲟⲩ ⲙ̅ⲡⲁⲥⲟⲡⲥ̅ | (1) I am well pleased, because the Lord will hearken to the voice of my supplication. | (114:1) Ἠγάπησα, ὅτι εἰσακούσεται κύριος τῆς φωνῆς τῆς δεήσεώς µου, |
| (ⲃ̅) (114:1) ϫⲉ ⲁϥⲣⲓⲕⲓ ⲙ̀ⲡⲉϥⲙⲁϣϫ ⲉ̀ⲣⲟⲓ: ⲟⲩⲟϩ ⲛ̀ϩⲣⲏⲓ ϧⲉⲛ ⲛⲁⲉϩⲟⲟⲩ ⲁⲓⲧⲱⲃϩ ⲙ̀ⲙⲟϥ. | (ⲃ︦) ϫⲉ ⲁϥⲣⲉⲕⲧ̅ ⲡⲉϥⲙⲁⲁϫⲉ ⲉⲣⲟⲓ. ϯⲛⲁⲱϣ ⲉϩⲣⲁⲓ ⲉⲣⲟϥ ϩⲛ̅ ⲛⲁϩⲟⲟⲩ. | (2) Because he has inclined his ear to me, therefore will I call upon him while I live. | (114:2) ὅτι ἔκλινεν τὸ οὖς αὐτοῦ ἐµοί, καὶ ἐν ταῖς ἡµέραις µου ἐπικαλέσοµαι. |
| (ⲅ̅) (114:2) ϫⲉ ⲁⲩⲁⲙⲟⲛⲓ ⲙ̀ⲙⲟⲓ ⲛ̀ϫⲉ ⲛⲓⲛⲁⲕϩⲓ ⲛ̀ⲧⲉ ⲫⲙⲟⲩ: ⲛⲓⲕⲩⲛⲇⲓⲛⲟⲥ ⲛ̀ⲧⲉ ⲁⲙⲉⲛϯ ⲡⲉⲧⲁⲩϫⲉⲙⲧ. (114:3) ⲟⲩϩⲟϫϩⲉϫ ⲛⲉⲙ ⲟⲩⲙⲕⲁϩ ⲛ̀ϩⲏⲧ ⲡⲉⲧⲁⲓϫⲉⲙⲟⲩ: | (ⲅ︦) ⲁⲩⲁⲙⲁϩⲧⲉ ⲙ̅ⲙⲟⲓ ⲛ̅ϭⲓ ⲛ̅ⲛⲁⲁⲕⲉ ⲙ̅ⲡⲙⲟⲩ. ⲛ̅ⲕⲓⲛⲇⲩⲛⲟⲥ ⲛ̅ⲁⲙⲛ̅ⲧⲉ ⲁⲩⲧⲁϩⲟⲓ. ⲁⲓϭⲓⲛⲉ ⲛ̅ⲟⲩⲑⲗⲓⲯⲓⲥⲓⲥ ⲙⲛ̅ ⲟⲩⲙⲟⲕϩⲥ̅ | (3) The pangs of death compassed me; the dangers of hell found me: I found affliction and sorrow. | (114:3) περιέσχον µε ὠδῖνες θανάτου, κίνδυνοι ᾅδου εὕροσάν µε· θλῖψιν καὶ ὀδύνην εὗρον. |
| (ⲇ̅) (114:3) ⲟⲩⲟϩ ⲁⲓⲧⲱⲃϩ ⲙ̀ⲫⲣⲁⲛ ⲙ̀ⲡϭ̅ⲥ̅: ⲱ ⲡϭ̅ⲥ̅ ⲛⲟϩⲉⲙ ⲛ̀ⲧⲁⲯⲩⲭⲏ. | (ⲇ︦) ⲁⲓⲉⲡⲓⲕⲁⲗⲉⲓ ⲙ̅ⲡⲣⲁⲛ ⲙ̅ⲡϫⲟⲉⲓⲥ. ⲱ ⲡϫⲟⲉⲓⲥ ⲛⲉϩⲙ̅ ⲧⲁⲯⲩⲭⲏ. | (4) Then I called on the name of the Lord: O Lord, deliver my soul. | (114:4) καὶ τὸ ὄνοµα κυρίου ἐπεκαλεσάµην Ὦ κύριε, ῥῦσαι τὴν ψυχήν µου. |
| (ⲉ̅) (114:4) ⲟⲩⲛⲁⲏⲧ ⲡⲉ ⲡϭ̅ⲥ̅ ⲟⲩⲟϩ ⲟⲩⲑⲙⲏⲓ ⲡⲉ: ⲟⲩⲟϩ ⲡⲉⲛⲛⲟⲩϯ ϣⲁϥⲛⲁⲓ. | (ⲉ︦) ⲟⲩⲛⲁⲏϯ ⲁⲩⲱ ⲟⲩⲇⲓⲕⲁⲓⲟⲥ ⲡⲉ ⲡϫⲟⲉⲓⲥ. ⲁⲩⲱ ⲡⲉⲛⲛⲟⲩⲧⲉ ϣⲁϥⲛⲁ. | (5) The Lord is merciful and righteous; yea, our God has pity. | (114:5) ἐλεήµων ὁ κύριος καὶ δίκαιος, καὶ ὁ θεὸς ἡµῶν ἐλεᾷ. |
| (ⲋ̅) (114:5) ⲫⲏ ⲉⲧⲁⲣⲉϩ ⲉ̀ⲛⲓⲕⲟⲩϫⲓ ⲛ̀ⲁⲗⲱⲟⲩⲓ ⲡⲉ ⲡϭ̅ⲥ̅: ⲁⲓⲑⲉⲃⲓⲟⲓ ⲟⲩⲟϩ ⲁϥⲛⲁϩⲙⲉⲧ. | (ⲋ︦) ⲡϫⲟⲉⲓⲥ ⲡⲉⲧϩⲁⲣⲉϩ ⲉⲛ̅ϣⲏⲣⲉ ⲕⲟⲩⲓ. ⲁⲓⲑⲃ̅ⲃⲓⲟ ⲁⲩⲱ ⲁ ⲡϫⲟⲉⲓⲥ ⲧⲟⲩϫⲟⲓ. | (6) The Lord preserves the simple: I was brought low, and he delivered me. | (114:6) φυλάσσων τὰ νήπια ὁ κύριος· ἐταπεινώθην, καὶ ἔσωσέν µε. |
| (ⲍ̅) (6) ⲕⲟⲧϯ ⲧⲁⲯⲩⲭⲏ ⲉ̀ⲡⲉⲙⲁⲛ̀ⲉⲙⲧⲟⲛ: ϫⲉ ⲁ ⲡϭ̅ⲥ̅ ⲉⲣⲡⲉⲑⲛⲁⲛⲉϥ ⲛⲏⲓ: | (ⲍ︦) ⲁ ⲧⲁⲯⲩⲭⲏ ⲕⲧⲟⲥ ⲉⲩⲙ̅ⲧⲟⲛ. ϫⲉ ⲁ ⲡϫⲟⲉⲓⲥ ⲣ̅ ⲡⲡⲉⲧⲛⲁⲛⲟⲩⲓ ⲛⲁⲓ | (7) Return to thy rest, O my soul; for the Lord has dealt bountifully with thee. | (114:7) ἐπίστρεψον, ἡ ψυχή µου, εἰς τὴν ἀνάπαυσίν σου, ὅτι κύριος εὐηργέτησέν σε, |
| (ⲏ̅) (114:6) ⲟⲩⲟϩ ⲁϥⲛⲟϩⲉⲙ ⲛ̀ⲧⲁⲯⲩⲭⲏ ⲉ̀ⲃⲟⲗ ϧⲉⲛ ⲫⲙⲟⲩ: ⲛⲉⲙ ⲛⲁⲃⲁⲗ ⲉ̀ⲃⲟⲗ ϩⲁ ϩⲁⲛⲉⲣⲙⲱⲟⲩⲓ: ⲛⲉⲙ ⲛⲁϭⲁⲗⲁⲩϫ ⲉ̀ⲃⲟⲗ ϧⲉⲛ ⲡⲓⲥⲗⲁϯ. | (ⲏ︦) ϫⲉ ⲁϥⲛⲉϩⲙ̅ ⲧⲁⲯⲩⲭⲏ ⲉⲃⲟⲗ ϩⲙ̅ ⲡⲙⲟⲩ. ⲛⲁⲃⲁⲗ ⲉⲃⲟⲗ ϩⲙ̅ ⲡⲣⲓⲙⲉ. ⲛⲁⲟⲩⲉⲣⲏⲧⲉ ⲉⲡⲉⲥⲗⲁⲁⲧⲉ. | (8) For he has delivered my soul from death, mine eyes from tears, and my feet from falling. | (114:8) ὅτι ἐξείλατο τὴν ψυχήν µου ἐκ θανάτου, τοὺς ὀφθαλµούς µου ἀπὸ δακρύων καὶ τοὺς πόδας µου ἀπὸ ὀλισθήµατος. |
| (ⲑ̅) (114:7) ⲉⲓⲉ̀ⲣⲁⲛⲁϥ ⲙ̀ⲡϭ̅ⲥ̅ ⲙ̀ⲡⲉϥⲙⲑⲟ ϧⲉⲛ ⲧⲭⲱⲣⲁ ⲛ̀ⲧⲉ ⲛⲏ ⲉⲧⲟⲛϧ. | (ⲑ︦) ϯⲛⲁⲣⲁⲛⲁϥ ⲙ̅ⲡϫⲟⲉⲓⲥ ϩⲛ̅ ⲧⲉⲭⲱⲣⲁ ⲛ̅ⲛⲉⲧⲟⲛϩ̅: | (9) I shall be well-pleasing before the Lord in the land of the living. Alleluia: | (114:9) εὐαρεστήσω ἐναντίον κυρίου ἐν χώρᾳ ζώντων. |