| ⲡⲓⲯⲁⲗⲙⲟⲥ ⲣ̅ⲓ̅ⲉ̅. ⲁⲗⲗⲏⲗⲟⲩⲓⲁ. | {ⲣ̅ⲓ̅ⲋ̅} ⲁⲗⲗⲏⲗⲟⲩⲓⲁ | Αλληλουια. | |
| (ⲁ̅) ⲁⲓⲛⲁϩϯ ⲉⲑⲃⲉ ⲫⲁⲓ ⲁⲓⲥⲁϫⲓ: ⲁ̀ⲛⲟⲕ ⲇⲉ ⲁⲓⲑⲉⲃⲓⲟⲓ ⲉ̀ⲙⲁϣⲱ: | (ⲁ︦) ⲁⲓⲡⲓⲥⲧⲉⲩⲉ ⲉⲧⲃⲉ ⲡⲁⲓ ⲁⲓϣⲁϫⲉ. ⲁⲛⲟⲕ ⲇⲉ ⲁⲓⲑⲃ̅ⲃⲓⲟ ⲉⲙⲁⲧⲉ. | (10) I believed, wherefore I have spoken: but I was greatly afflicted. | (1) Ἐπίστευσα, διὸ ἐλάλησα· ἐγὼ δὲ ἐταπεινώθην σφόδρα. |
| (ⲃ̅) (1) ⲁ̀ⲛⲟⲕ ⲁⲓϫⲟⲥ ϧⲉⲛ ⲡⲁⲧⲱⲙⲧ ϫⲉ ⲣⲱⲙⲓ ⲛⲓⲃⲉⲛ ϩⲁⲛⲥⲁⲙⲙⲉⲑⲛⲟⲩϫ ⲛⲉ: | (ⲃ︦) ⲁⲛⲟⲕ ⲁⲓϫⲟⲟⲥ ϩⲙ̅ ⲡⲁⲡⲱϣⲥ̅ ϫⲉ ⲣⲱⲙⲉ ⲛⲓⲙ ϩⲉⲛⲥⲁⲙⲙⲛ̅ⲧⲛⲟⲩϫ ⲛⲉ | (11) And I said in mine amazement, Every man is a liar. | (2) ἐγὼ εἶπα ἐν τῇ ἐκστάσει µου Πᾶς ἄνθρωπος ψεύστης. |
| (ⲅ̅) (1) ⲟⲩ ⲡⲉ ϯⲛⲁⲧⲏⲓϥ ⲛ̀ⲧϣⲉⲃⲓⲱ ⲙ̀ⲡϭ̅ⲥ̅ ⲉⲑⲃⲉ ϩⲱⲃ ⲛⲓⲃⲉⲛ ⲉⲧⲁϥⲁⲓⲧⲟⲩ ⲛⲏⲓ. | (ⲅ︦) ⲉⲓⲛⲁⲧⲉⲃⲉ ⲟⲩ ⲙ̅ⲡϫⲟⲉⲓⲥ ⲉⲡⲓⲙⲁ ⲛ̅ⲛⲉⲛⲧⲁϥⲁⲁⲩ ⲛⲁⲓ ⲧⲏⲣⲟⲩ. | (12) What shall I render to the Lord for all the things wherein he has rewarded me? | (3) τί ἀνταποδώσω τῷ κυρίῳ περὶ πάντων, ὧν ἀνταπέδωκέν µοι; |
| (ⲇ̅) (2) ⲉⲓⲉ̀ϭⲓ ⲛ̀ⲟⲩⲁⲫⲟⲧ ⲛ̀ⲟⲩϫⲁⲓ: ⲟⲩⲟϩ ⲛ̀ⲧⲁⲧⲱⲃϩ ⲙ̀ⲫⲣⲁⲛ ⲙ̀ⲡϭ̅ⲥ̅: ϯⲛⲁϯ ⲛ̀ⲛⲁⲉⲩⲭⲏ ⲙ̀ⲡϭ̅ⲥ̅ ⲙ̀ⲡⲉⲙ̀ⲑⲟ ⲙ̀ⲡⲓⲗⲁⲟⲥ ⲧⲏⲣϥ. | (ⲇ︦) ϯⲛⲁϫⲓ ⲛ̅ⲟⲩϫⲱ ⲛ̅ⲟⲩϫⲁⲓ ⲧⲁⲉⲡⲓⲕⲁⲗⲉⲓ ⲙ̅ⲡⲣⲁⲛ ⲙ̅ⲡϫⲟⲉⲓⲥ. | (13) I will take the cup of salvation, and call upon the name of the Lord. (14) I will pay my vows to the Lord, in the presence of all his people. | (4) ποτήριον σωτηρίου λήµψοµαι καὶ τὸ ὄνοµα κυρίου ἐπικαλέσοµαι. |
| (ⲉ̅) (3) ϥⲧⲁⲓⲏⲟⲩⲧ ⲙ̀ⲡⲉⲙ̀ⲑⲟ ⲙ̀ⲡϭ̅ⲥ̅ ⲛ̀ϫⲉ ⲫⲙⲟⲩ ⲛ̀ⲧⲉ ⲛⲏ ⲉⲑⲟⲩⲁⲃ ⲛ̀ⲧⲁϥ: | (ⲉ︦) ⲡⲙⲟⲩ ⲛ̅ⲛⲉⲧⲟⲩⲁⲁⲃ ⲙ̅ⲡϫⲟⲓ̈ⲥ ⲧⲁⲉⲓⲏⲩ ⲙ̅ⲡⲉϥⲙ̅ⲧⲟ ⲉⲃⲟⲗ. | (15) Precious in the sight of the Lord is the death of his saints. | (6) τίµιος ἐναντίον κυρίου ὁ θάνατος τῶν ὁσίων αὐτοῦ. |
| (ⲋ̅) (3) ⲱ ⲡϭ̅ⲥ̅ ⲁ̀ⲛⲟⲕ ⲡⲉ ⲡⲉⲕⲃⲱⲕ: ⲁ̀ⲛⲟⲕ ⲡⲉ ⲡⲉⲕⲃⲱⲕ ⲛⲉⲙ ⲡϣⲏⲣⲓ ⲛ̀ⲧⲉ ⲧⲉⲕⲃⲱⲕⲓ: ⲁⲕⲥⲱⲗⲡ ⲛ̀ⲛⲁⲥⲛⲁⲩϩ | (ⲋ︦) ⲱ ⲡϫⲟⲉⲓⲥ ⲁⲛⲅ̅ ⲡⲉⲕϩⲙ̅ϩⲁⲗ ⲁⲛⲅ̅ ⲡϣⲏⲣⲉ ⲛ̅ⲧⲉⲕϩⲙ̅ϩⲁⲗ ⲁⲕⲥⲱⲗⲡ ⲛ̅ⲛⲁⲙⲣ̅ⲣⲉ | (16) O Lord, I am thy servant; I am thy servant, and the son of thine handmaid: thou hast burst by bonds asunder. | (7) ὦ κύριε, ἐγὼ δοῦλος σός, ἐγὼ δοῦλος σὸς καὶ υἱὸς τῆς παιδίσκης σου. διέρρηξας τοὺς δεσµούς µου, |
| (ⲍ̅) (3) ϯⲛⲁϣⲱⲧ ⲛⲁⲕ ⲛ̀ⲟⲩϣⲟⲩϣⲱⲟⲩϣⲓ ⲛ̀ⲥⲙⲟⲩ. (4) ⲟⲩⲟϩ ⲛ̀ⲧⲁⲧⲱⲃϩ ⲙ̀ⲫⲣⲁⲛ ⲙ̀ⲡϭ̅ⲥ̅: ϯⲛⲁϯ ⲛ̀ⲛⲁⲉⲩⲭⲏ ⲙ̀ⲡϭ̅ⲥ̅: ϧⲉⲛ ⲛⲓⲁⲩⲗⲏⲟⲩ ⲛ̀ⲧⲉ ⲡⲏⲓ ⲙ̀ⲡϭ̅ⲥ̅ ⲙ̀ⲡⲉⲙ̀ⲑⲟ ⲙ̀ⲡⲓⲗⲁⲟⲥ ⲧⲏⲣϥ: ϧⲉⲛ ⲑⲙⲏϯ ⲛ̀ⲓⲗ̅ⲏ̅ⲙ̅. | (ⲍ︦) ϯⲛⲁϣⲱⲱⲧ ⲛⲁⲕ ⲛ̅ⲟⲩⲑⲩⲥⲓⲁ ⲛ̅ⲥⲙⲟⲩ ϯⲛⲁϯ ⲛ̅ⲛⲁⲉⲣⲏⲧ ⲙ̅ⲡϫⲟⲉⲓⲥ ϩⲛ̅ ⲛ̅ⲁⲩⲗⲏ ⲙ̅ⲡⲏⲓ ⲙ̅ⲡⲉⲛⲛⲟⲩⲧⲉ ⲙ̅ⲡⲉⲙ̅ⲧⲟ ⲉⲃⲟⲗ ⲙ̅ⲡⲗⲁⲟⲥ ⲧⲏⲣϥ̅ ϩⲛ̅ ⲧⲟⲩⲙⲏⲧⲉ ⲑⲓⲗ̅ⲏ̅ⲙ̅. | (17) I will offer to thee the sacrifice of praise, and will call upon the name of the Lord. (18) I will pay my vows unto the Lord, in the presence of all his people, (19) in the courts of the Lord’s house, in the midst of thee, Jerusalem. | (8) σοὶ θύσω θυσίαν αἰνέσεως· (9) τὰς εὐχάς µου τῷ κυρίῳ ἀποδώσω ἐναντίον παντὸς τοῦ λαοῦ αὐτοῦ (10) ἐν αὐλαῖς οἴκου κυρίου ἐν µέσῳ σου, Ιερουσαληµ. |