| ⲡⲓⲯⲁⲗⲙⲟⲥ ⲓ̅ⲃ̅. ⲛ̀ⲧⲉ ⲇⲁⲩⲓⲇ ⲉ̀ⲡϫⲱⲕ. | ⲓ̅ⲃ̅. ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛ̅ⲇ̅ⲁ̅ⲇ̅ | For the end, a Psalm of David. | Εἰς τὸ τέλος· ψαλµὸς τῷ Δαυιδ. |
| (ⲁ̅) ϣⲁ ⲑⲛⲁⲩ ϫⲉ ⲡϭ̅ⲥ̅ ⲕⲓⲣⲓ ⲙ̀ⲡⲁⲱⲃϣ ϣⲁ ⲉ̀ⲃⲟⲗ: | (ⲁ︦) ϣⲁ ⲧⲛⲁⲩ ⲡϫⲟⲉⲓⲥ ⲕⲛⲁⲣ̅ⲡⲁⲱⲃϣ̅ ϣⲁⲃⲟⲗ | (1) How long, O Lord, wilt thou forget me? for ever? | (1) Ἕως πότε, κύριε, ἐπιλήσῃ µου εἰς τέλος; |
| (ⲃ̅) (1) ϣⲁ ⲑⲛⲁⲩ ϫⲉ ⲕⲫⲱⲛϩ ⲙ̀ⲡⲉⲕϩⲟ ⲥⲁⲃⲟⲗ ⲙ̀ⲙⲟⲓ. | (ⲃ︦) ϣⲁ ⲧⲛⲁⲩ ⲕⲛⲁⲕⲱⲧⲉ ⲙ̅ⲡⲉⲕϩⲟ ⲛ̅ⲥⲁⲃⲟⲗ ⲙ̅ⲙⲟⲓ. | how long wilt thou turn away thy face from me? | ἕως πότε ἀποστρέψεις τὸ πρόσωπόν σου ἀπ’ ἐµοῦ; |
| (ⲅ̅) (2) ϣⲁ ⲑⲛⲁⲩ ϫⲉ ⲉⲓⲭⲱ ⲛ̀ⲛⲁⲓⲥⲟϭⲛⲓ ϧⲉⲛ ⲧⲁⲯⲩⲭⲏ ⲛⲉⲙ ⲛⲁⲓⲙⲕⲁⲩϩ ϧⲉⲛ ⲡⲁϩⲏⲧ ⲙ̀ⲡⲓⲉϩⲟⲟⲩ ⲧⲏⲣϥ (3) ϣⲁ ⲑⲛⲁⲩ ϫⲉ ϥϭⲓⲥⲓ ⲙ̀ⲙⲟϥ ⲉ̀ϩⲣⲏⲓ ⲉ̀ϫⲱⲓ ⲛ̀ϫⲉ ⲡⲁϫⲁϫⲓ. | (ⲅ︦) ϣⲁ ⲧⲛⲁⲩ ϯⲛⲁⲕⲱ ⲛ̅ϩⲉⲛϣⲟϫⲛⲉ ϩⲛ̅ ⲧⲁⲯⲩⲭⲏ. ϩⲉⲛⲗⲩⲡⲏ ϩⲙ̅ ⲡⲁϩⲏⲧ ⲙ̅ⲡⲉϩⲟⲟⲩ. ϣⲁ ⲧⲛⲁⲩ ⲡⲁϫⲁϫⲉ ⲛⲁϫⲓⲥⲉ ⲙ̅ⲙⲟϥ ⲉϩⲣⲁⲓ ⲉϫⲱⲓ̈. | (2) How long shall I take counsel in my soul, having sorrows in my heart daily? how long shall my enemy be exalted over me? | (2) ἕως τίνος θήσοµαι βουλὰς ἐν ψυχῇ µου, ὀδύνας ἐν καρδίᾳ µου ἡµέρας; ἕως πότε ὑψωθήσεται ὁ ἐχθρός µου ἐπ’ ἐµέ; |
| (ⲇ̅) ⲥⲟⲙⲥ ⲥⲱⲧⲉⲙ ⲉ̀ⲣⲟⲓ ⲡϭ̅ⲥ̅ ⲡⲁⲛⲟⲩϯ: ⲙⲁⲫⲟⲩⲱⲓⲛⲓ ⲛ̀ⲛⲁⲃⲁⲗ ⲙⲏⲡⲱⲥ ⲛ̀ⲧⲁϩⲱⲣⲡ ϧⲉⲛ ⲫⲙⲟⲩ: | (ⲇ︦) ⲕⲟⲧⲕ̅ ⲥⲱⲧⲙ̅ ⲉⲣⲟⲓ̈. ⲡϫⲟⲉⲓⲥ ⲡⲁⲛⲟⲩⲧⲉ ⲁⲣⲓⲟⲩⲟⲉⲓⲛ ⲉⲛⲁⲃⲁⲗ ⲙⲏⲡⲟⲧⲉ ⲛ̅ⲧⲁⲱⲃϣ ⲉⲡⲙⲟⲩ. | (3) Look on me, hearken to me, O Lord my God: lighten mine eyes, lest I sleep in death; | (3) ἐπίβλεψον, εἰσάκουσόν µου, κύριε ὁ θεός µου· φώτισον τοὺς ὀφθαλµούς µου, µήποτε ὑπνώσω εἰς θάνατον, |
| (ⲉ̅) (4) ⲙⲏⲡⲟⲧⲉ ⲛ̀ⲧⲉ ⲡⲁϫⲁϫⲓ ϫⲟⲥ ϫⲉ ⲁⲓϫⲉⲙϫⲟⲙ ⲟⲩⲃⲏϥ. (5) ⲛⲏ ⲉⲧϩⲟϫϩⲉϫ ⲙ̀ⲙⲟⲓ ⲥⲉⲛⲁⲑⲉⲗⲏⲗ ⲉ̀ϣⲱⲡ ⲁⲓϣⲁⲛⲕⲓⲙ. | (ⲉ︦) ⲙⲏⲡⲟⲧⲉ ⲛ̅ⲧⲉ ⲡⲁϫⲁϫⲉ ϫⲟⲟⲥ ϫⲉ ⲁⲓϭⲙ̅ϭⲟⲙ ⲉⲣⲟϥ. ⲛⲉⲧⲑⲗⲓⲃⲉ ⲙ̅ⲙⲟⲓ ⲛⲁⲧⲉⲗⲏⲗ ⲉⲓϣⲁⲛⲕⲓⲙ. | (4) lest at any time mine enemy say, I have prevailed against him: my persecutors will exult if ever I should be moved. | (4) µήποτε εἴπῃ ὁ ἐχθρός µου Ἴσχυσα πρὸς αὐτόν· οἱ θλίβοντές µε ἀγαλλιάσονται, ἐὰν σαλευθῶ. |
| (ⲋ̅) ⲁ̀ⲛⲟⲕ ⲇⲉ ⲁⲓⲉⲣϩⲉⲗⲡⲓⲥ ⲉ̀ⲡⲉⲕⲛⲁⲓ: ⲡⲁϩⲏⲧ ⲛⲁⲑⲉⲗⲏⲗ ⲉ̀ϩⲣⲏⲓ ⲉ̀ϫⲉⲛ ⲡⲉⲕⲛⲟϩⲉⲙ. ϯⲛⲁϩⲱⲥ ⲉ̀ⲡϭ̅ⲥ̅ ⲫⲏ ⲉⲧⲁϥⲉⲣⲡⲉⲑⲛⲁⲛⲉϥ ⲛⲏⲓ: ⲟⲩⲟϩ ϯⲛⲁⲉⲣⲯⲁⲗⲓⲛ ⲉ̀ⲫⲣⲁⲛ ⲙ̀ⲡϭ̅ⲥ̅ ⲡⲉⲧϭⲟⲥⲓ. | (ⲋ︦) ⲁⲛⲟⲕ ⲇⲉ ⲁⲓϩⲉⲗⲡⲓⲍⲉ ⲉⲡⲉⲕⲛⲁ. ⲡⲁϩⲏⲧ ⲛⲁⲧⲉⲗⲏⲗ ⲉϫⲙ̅ ⲡⲉⲕⲟⲩϫⲁⲓ ϯⲛⲁϫⲱ ⲉⲡϫⲟⲉⲓⲥ ⲡⲉⲛⲧⲁϥⲣ̅ ⲡⲉⲧⲛⲁⲛⲟⲩϥ ⲛⲁⲓ. ⲁⲩⲱ ϯⲛⲁⲯⲁⲗⲗⲉⲓ ⲉⲡⲣⲁⲛ ⲙ̅ⲡϫⲟⲉⲓⲥ ⲡⲉⲧϫⲟⲥⲉ: | (5) But I have hoped in thy mercy; my heart shall exult in thy salvation. (6) I will sing to the Lord who has dealt bountifully with me, and I will sing psalms to the name of the Lord most high. | (5) ἐγὼ δὲ ἐπὶ τῷ ἐλέει σου ἤλπισα, ἀγαλλιάσεται ἡ καρδία µου ἐπὶ τῷ σωτηρίῳ σου· ᾄσω τῷ κυρίῳ τῷ εὐεργετήσαντί µε καὶ ψαλῶ τῷ ὀνόµατι κυρίου τοῦ ὑψίστου. |