| ⲡⲓⲯⲁⲗⲙⲟⲥ ⲣ̅ⲕ̅ⲋ̅. ⲛ̀ⲧⲉ ⲥⲟⲗⲟⲙⲱⲛ. ϯϩⲱⲇⲏ ⲛ̀ⲧⲉ ⲛⲓⲁⲛⲁⲃⲁⲑⲙⲟⲥ. | ⲣ̅ⲕ̅ⲋ̅. ⲧⲱⲇⲏ ⲛ̅ⲛ̅ⲧⲱⲣⲧⲣ̅ | A Song of Degrees. | ᾨδὴ τῶν ἀναβαθµῶν· τῷ Σαλωµων. |
| (ⲁ̅) ⲁⲣⲉϣ̀ⲧⲉⲙ ⲡϭ̅ⲥ̅ ⲕⲱⲧ ⲛ̀ⲟⲩⲏⲓ ⲁⲩϭⲓϧⲓⲥⲓ ⲉ̀ⲫⲗⲏⲟⲩ ⲛ̀ϫⲉ ⲛⲏ ⲉⲧⲕⲱⲧ ⲙ̀ⲙⲟϥ: ⲁⲣⲉϣ̀ⲧⲉⲙ ⲡϭ̅ⲥ̅ ⲣⲱⲓⲥ ⲉ̀ⲟⲩⲡⲟⲗⲓⲥ ⲁⲩⲉⲣϣⲣⲱⲓⲥ ⲉⲫⲗⲏⲟⲩ ⲛ̀ϫⲉ ⲛⲏ ⲉⲧⲁⲣⲉϩ. | (ⲁ︦) ⲉⲣⲉⲧⲙ̅ ⲡϫⲟⲉⲓⲥ ⲕⲉⲧ ⲟⲩⲏⲓ ⲛ̅ⲧⲁ ⲛⲉⲧⲕⲱⲧ ⲙ̅ⲙⲟϥ ϩⲓⲥⲉ ⲉⲡϫⲓⲛϫⲏ. ⲉⲣⲉⲧⲙ̅ ⲡϫⲟⲉⲓⲥ ϩⲁⲣⲉϩ ⲉⲩⲡⲟⲗⲓⲥ. ⲛ̅ⲧⲁ ⲡⲉⲧϩⲁⲣⲉϩ ⲉⲣⲟⲥ ⲣ̅ ⲟⲩϣⲏ ⲛ̅ⲣⲟⲉⲓⲥ ⲉⲡϫⲓⲛϫⲏ. | (1) Except the Lord build the house, they that build labour in vain: except the Lord keep the city, the watchman watches in vain. | (1) Ἐὰν µὴ κύριος οἰκοδοµήσῃ οἶκον, εἰς µάτην ἐκοπίασαν οἱ οἰκοδοµοῦντες αὐτόν· ἐὰν µὴ κύριος φυλάξῃ πόλιν, εἰς µάτην ἠγρύπνησεν ὁ φυλάσσων. |
| (ⲃ̅) ⲟⲩⲉⲫⲗⲏⲟⲩ ⲛⲱⲧⲉⲛ ⲡⲉ ⲉ̀ϣⲉⲣⲡ ⲑⲏⲛⲟⲩ: ⲧⲉⲛ ⲑⲏⲛⲟⲩ ⲙⲉⲛⲉⲛⲥⲁ ⲑⲣⲉⲧⲉⲧⲉⲛϩⲉⲙⲥⲓ: ⲛⲏ ⲉⲑⲟⲩⲱⲙ ⲛ̀ⲟⲩⲱⲓⲕ ⲛ̀ⲉⲙⲕⲁϩ ⲛ̀ϩⲏⲧ. | (ⲃ︦) ⲉⲡϫⲓⲛϫⲏ ⲛⲏⲧⲛ̅ ⲡⲉ ϣⲣⲡ̅ ⲧⲏⲩⲧⲛ̅. ⲧⲱⲟⲩⲛ ⲙⲛ̅ⲛⲥⲁ ⲧⲣⲉⲧⲛ̅ϩⲙⲟⲟⲥ. ⲛⲉⲧⲟⲩⲱⲙ ⲛ̅ⲟⲩⲟⲉⲓⲕ ⲛ̅ⲙ̅ⲕⲁϩ ⲛ̅ϩⲏⲧ. ⲉϥϣⲁⲛϯ ⲛ̅ⲟⲩϩⲓⲛⲏⲃ ⲛ̅ⲛⲉϥⲙⲉⲣⲓⲧ. | (2) It is vain for you to rise early: ye rise up after resting, ye that eat the bread of grief; while he gives sleep to his beloved. | (2) εἰς µάτην ὑµῖν ἐστιν τοῦ ὀρθρίζειν, ἐγείρεσθαι µετὰ τὸ καθῆσθαι, οἱ ἔσθοντες ἄρτον ὀδύνης, ὅταν δῷ τοῖς ἀγαπητοῖς αὐτοῦ ὕπνον. |
| (ⲅ̅) ⲉ̀ϣⲱⲡ ⲁϥϣⲁⲛϯ ⲛ̀ⲟⲩⲉⲛⲕⲟⲧ ⲛ̀ⲛⲉϥⲙⲉⲛⲣⲁϯ: ϩⲏⲡⲡⲉ ⲓⲥ ϯⲕⲗⲏⲣⲟⲛⲟⲙⲓⲁ ⲛ̀ⲧⲉ ⲡϭ̅ⲥ̅: ϩⲁⲛϣⲏⲣⲓ ⲛⲉ ⲙ̀ⲫⲃⲉⲭⲉ ⲙ̀ⲡⲟⲩⲧⲁϩ ⲛ̀ⲧⲉ ⲑⲛⲉϫⲓ. | (ⲅ︦) ⲛ̅ϣⲏⲣⲉ ⲉⲓⲥ ⲧⲉⲕⲗⲏⲣⲟⲛⲟⲙⲓⲁ ⲙ̅ⲡϫⲟⲉⲓⲥ. ⲉⲓⲥ ⲡⲃⲉⲃⲉ ⲙ̅ⲡⲕⲁⲣⲡⲟⲥ ⲛ̅ϩⲏⲧϥ̅ | (3) Behold, the inheritance of the Lord, children, the reward of the fruit of the womb. | (3) ἰδοὺ ἡ κληρονοµία κυρίου υἱοί, ὁ µισθὸς τοῦ καρποῦ τῆς γαστρός. |
| (ⲇ̅) ⲙ̀ⲫⲣⲏϯ ⲛ̀ϩⲁⲛⲥⲟⲑⲛⲉϥ ϧⲉⲛ ⲧϫⲓϫ ⲛ̀ⲧⲉ ⲟⲩϫⲱⲣⲓ: ⲫⲁⲓ ⲡⲉ ⲙ̀ⲫⲣⲏϯ ⲛ̀ⲛⲓϣⲏⲣⲓ ⲛ̀ⲧⲉ ⲛⲏ ⲉⲧⲁⲩⲛⲟϣⲡⲟⲩ ⲉ̀ⲃⲟⲗ. | (ⲇ︦) ⲛ̅ⲑⲉ ⲛ̅ϩⲉⲛⲥⲟⲧⲉ ϩⲛ̅ ⲧϭⲓϫ ⲙ̅ⲡⲇⲩⲛⲁⲧⲟⲥ. ⲧⲁⲓ ⲧⲉ ⲑⲉ ⲛ̅ⲛ̅ϣⲏⲣⲉ ⲛ̅ⲛⲉⲛⲧⲁⲩⲛⲟϣⲡⲟⲩ ⲉⲃⲟⲗ | (4) As arrows in the hand of a mighty man; so are the children of those who were outcasts. | (4) ὡσεὶ βέλη ἐν χειρὶ δυνατοῦ, οὕτως οἱ υἱοὶ τῶν ἐκτετιναγµένων. |
| (ⲉ̅) ⲱⲟⲩⲛⲓⲁⲧϥ ⲙ̀ⲡⲓⲣⲱⲙⲓ ⲉⲑⲛⲁϫⲱⲕ ⲛ̀ⲧⲉϥⲉⲡⲓⲑⲩⲙⲓⲁ ⲉ̀ⲃⲟⲗ ⲙ̀ⲙⲱⲟⲩ: ⲧⲟⲧⲉ ⲛ̀ⲛⲟⲩϭⲓϣⲓⲡⲓ ⲉ̀ϣⲱⲡ ⲁⲩϣⲁⲛⲥⲁϫⲓ ⲛⲉⲙ ⲛⲟⲩϫⲁϫⲓ ϧⲉⲛ ⲛⲓⲡⲩⲗⲏ. | (ⲉ︦) ⲛⲁⲓⲁⲧϥ̅ ⲙ̅ⲡⲣⲱⲙⲉ ⲉⲧⲛⲁϫⲉⲕ ⲡⲉϥⲟⲩⲱϣ ⲉⲃⲟⲗ ⲛ̅ϩⲏⲧⲟⲩ. ⲛ̅ⲥⲉⲛⲁϫⲓϣⲓⲡⲉ ⲁⲛ ⲉⲩϣⲁⲛϣⲁϫⲉ ⲙⲛ̅ ⲛⲉⲩϫⲁϫⲉ ϩⲛ̅ ⲙ̅ⲡⲩⲗⲏ: | (5) Blessed is the man who shall satisfy his desire with them: they shall not be ashamed when they shall speak to their enemies in the gates. | (5) µακάριος ἄνθρωπος, ὃς πληρώσει τὴν ἐπιθυµίαν αὐτοῦ ἐξ αὐτῶν· οὐ καταισχυνθήσονται, ὅταν λαλῶσι τοῖς ἐχθροῖς αὐτῶν ἐν πύλῃ. |