Psalms

Psalms 45

ⲡⲓⲯⲁⲗⲙⲟⲥ ⲙ̅ⲉ̅. ⲛ̀ⲧⲉ ⲇⲁⲩⲓⲇ. ⲉ̀ⲡϫⲱⲕ ⲉ̀ⲃⲟⲗ ⲉ̀ϫⲉⲛ ⲛⲉⲛϣⲏⲣⲓ ⲛ̀ⲕⲟⲣⲉ ⲉⲑⲃⲉ ⲛⲏ ⲉⲧϩⲏⲡ.	ⲙ̅ⲉ̅. ⲉⲡϫⲱⲕ ⲉⲃⲟⲗ ϩⲁ ⲛ̅ϣⲏⲣⲉ ⲛ̅ⲕⲟⲣⲉ ϩⲁ ⲛⲉⲑⲏⲡ ⲡⲉⲯⲁⲗⲙⲟⲥ ⲛ̅ⲇⲁⲩⲉⲓⲇ	For the end, for the sons of Core; a Psalm concerning secret things.	Εἰς τὸ τέλος· ὑπὲρ τῶν υἱῶν Κορε, ὑπὲρ τῶν κρυφίων ψαλµός.
(ⲁ̅) ⲡⲉⲛⲛⲟⲩϯ ⲡⲉ ⲡⲉⲛⲙⲁⲙ̀ⲫⲱⲧ ⲛⲉⲙ ⲧⲉⲛϫⲟⲙ: ⲡⲉⲛⲃⲟⲏⲑⲟⲥ ⲡⲉ ϧⲉⲛ ⲛⲉⲛⲑⲗⲩⲯⲓⲥ ⲉⲧⲁⲩϫⲉⲙⲧⲉⲛ ⲉ̀ⲙⲁϣⲱ.	(ⲁ︦) ⲡⲉⲛⲛⲟⲩⲧⲉ ⲡⲉ ⲡⲉⲛⲙⲁⲙ̅ⲡⲱⲧ ⲁⲩⲱ ⲧⲉⲛϭⲟⲙ. ⲡⲉⲛⲃⲟⲏⲑⲟⲥ ϩⲛ̅ ⲛⲉⲛⲑⲗⲓⲯⲓⲥ ⲉⲛⲧⲁⲩⲧⲁϩⲟⲛ ⲉⲙⲁⲧⲉ.	(1) God is our refuge and strength, a help in the afflictions that have come heavily upon us.	(1) Ὁ θεὸς ἡµῶν καταφυγὴ καὶ δύναµις, βοηθὸς ἐν θλίψεσιν ταῖς εὑρούσαις ἡµᾶς σφόδρα.
(ⲃ̅) ⲉⲑⲃⲉ ⲫⲁⲓ ⲛ̀ⲛⲉⲛⲉⲣϩⲟϯ ⲁϥϣⲁⲛϣⲑⲟⲣⲧⲉⲣ ⲛ̀ϫⲉ ⲡⲕⲁϩⲓ: ⲟⲩⲟϩ ⲛ̀ⲧⲟⲩⲟⲩⲱⲧⲉⲃ ⲛ̀ϫⲉ ⲛⲓⲧⲱⲟⲩ	(ⲃ︦) ⲉⲧⲃⲉ ⲡⲁⲓ ⲛ̅ⲧⲛ̅ⲛⲁⲣ̅ϩⲟⲧⲉ ⲁⲛ ϩⲙ̅ ⲡⲧⲣⲉ ⲡⲕⲁϩ ϣⲧⲟⲣⲧⲣ̅ ⲛ̅ⲧⲉ ⲛ̅ⲧⲟⲟⲩ ⲡⲱⲱⲛⲉ ⲉⲃⲟⲗ.	(2) Therefore will we not fear when the earth is troubled, and the mountains are removed into the depths of the seas.	(2) διὰ τοῦτο οὐ φοβηθησόµεθα ἐν τῷ ταράσσεσθαι τὴν γῆν καὶ µετατίθεσθαι ὄρη ἐν καρδίαις θαλασσῶν.
(ⲅ̅) (2) ϧⲉⲛ ⲛⲓϩⲏⲧ ⲛ̀ⲧⲉ ⲛⲓⲁⲙⲁⲓⲟⲩ. (3) ⲁⲩⲱϣ ⲟⲩⲟϩ ⲁⲩϣⲑⲟⲣⲧⲉⲣ ⲛ̀ϫⲉ ⲛⲓⲙⲱⲟⲩ: ⲁⲩϣⲑⲟⲣⲧⲉⲣ ⲛ̀ϫⲉ ⲛⲓⲧⲱⲟⲩ ϧⲉⲛ ⲡⲉϥⲁⲙⲁϩⲓ.	(ⲅ︦) ⲁⲩⲱϣ ⲉⲃⲟⲗ ϩⲛ̅ ⲛ̅ϩⲏⲧ ⲛ̅ⲛⲉⲑⲁⲗⲁⲥⲥⲁ. ⲁⲩⲱ ⲁⲩϣⲧⲟⲣⲧⲣ̅ ⲛ̅ϭⲓ ⲛⲉⲩⲙⲟⲟⲩ. ⲁ ⲛ̅ⲧⲟⲟⲩ ϣⲧⲟⲣⲧⲣ̅ ϩⲛ̅ ⲧⲉϥϭⲟⲙ. ⲇⲓⲁⲯⲁⲗⲙⲁ.	(3) Their waters have roared and been troubled, the mountains have been troubled by his might. Pause.	(3) ἤχησαν καὶ ἐταράχθησαν τὰ ὕδατα αὐτῶν, ἐταράχθησαν τὰ ὄρη ἐν τῇ κραταιότητι αὐτοῦ. διάψαλµα.
(ⲇ̅) ⲛⲓⲟⲩⲟⲓ ⲛ̀ⲧⲉ ⲫⲓⲁⲣⲟ ⲥⲉⲑⲣⲟ ⲛ̀ⲑⲃⲁⲕⲓ ⲙ̀ⲫϯ ⲟⲩⲛⲟϥ. (5) ⲁϥⲧⲟⲩⲃⲟ ⲙ̀ⲡⲉϥⲙⲁⲛ̀ϣⲱⲡⲓ ⲛ̀ϫⲉ ⲫⲏ ⲉⲧϭⲟⲥⲓ:	(ⲇ︦) ⲙ̅ⲙⲁⲙ̅ⲙⲟⲟⲛⲉ ⲙ̅ⲡⲉⲓⲉⲣⲟ ⲛⲁⲉⲩⲫⲣⲁⲛⲉ ⲛ̅ⲧⲡⲟⲗⲓⲥ ⲙ̅ⲡⲛⲟⲩⲧⲉ. ⲁ ⲡⲉⲧϫⲟⲥⲉ ⲧⲃ̅ⲃⲉ ⲡⲉϥⲙⲁⲛ̅ϣⲱⲡⲉ	(4) The flowings of the river gladden the city of God: the Most High has sanctified his tabernacle.	(4) τοῦ ποταµοῦ τὰ ὁρµήµατα εὐφραίνουσιν τὴν πόλιν τοῦ θεοῦ· ἡγίασεν τὸ σκήνωµα αὐτοῦ ὁ ὕψιστος.
(ⲉ̅) ⲟⲩⲟϩ ⲫϯ ⲛ̀ⲛⲉϥⲕⲓⲙ ϧⲉⲛ ⲧⲉⲥⲙⲏϯ: ⲉϥⲉ̀ⲉⲣⲃⲟⲏⲑⲓⲛ ⲉ̀ⲡⲉⲥϩⲟ ⲛ̀ϫⲉ ⲫϯ.	(ⲉ︦) ⲡⲛⲟⲩⲧⲉ ϩⲛ̅ ⲧⲉⲥⲙⲏⲧⲉ ⲁⲩⲱ ⲛⲥ̅ⲛⲁⲕⲓⲙ ⲁⲛ. ⲡⲛⲟⲩⲧⲉ ⲛⲁⲃⲟⲏⲑⲉⲓ ⲉⲣⲟⲥ ⲙ̅ⲡⲛⲁⲩ ⲛ̅ϩⲧⲟⲟⲩⲉ.	(5) God is in the midst of her; she shall not be moved: God shall help her with his countenance.	(5) ὁ θεὸς ἐν µέσῳ αὐτῆς, οὐ σαλευθήσεται· βοηθήσει αὐτῇ ὁ θεὸς τὸ πρὸς πρωί.
(ⲋ̅) ⲁⲩϣⲑⲟⲣⲧⲉⲣ ⲛ̀ϫⲉ ϩⲁⲛⲉⲑⲛⲟⲥ: ⲁⲩⲣⲓⲕⲓ ⲛ̀ϫⲉ ϩⲁⲛⲙⲉⲧⲟⲩⲣⲱⲟⲩ: ⲁϥϯ ⲛ̀ⲧⲉϥⲥⲙⲏ ⲁϥⲕⲓⲙ ⲛ̀ϫⲉ ⲡⲕⲁϩⲓ.	(ⲋ︦) ⲁ ⲛ̅ϩⲉⲑⲛⲟⲥ ϣⲧⲟⲣⲧⲣ̅ ⲁ ⲙ̅ⲙⲛ̅ⲧⲉⲣⲟ ⲣⲓⲕⲉ. ⲁϥϯ ⲛ̅ⲧⲉϥⲥⲙⲏ ⲁ ⲡⲕⲁϩ ⲕⲓⲙ.	(6) The nations were troubled, the kingdoms tottered: he uttered his voice, the earth shook.	(6) ἐταράχθησαν ἔθνη, ἔκλιναν βασιλεῖαι· ἔδωκεν φωνὴν αὐτοῦ, ἐσαλεύθη ἡ γῆ.
(ⲍ̅) ⲡϭ̅ⲥ̅ ⲫϯ ⲛ̀ⲧⲉ ⲛⲓϫⲟⲙ ⲁϥⲭⲏ ⲛⲉⲙⲁⲛ: ⲡⲉⲛⲣⲉϥϣⲟⲡⲧⲉⲛ ⲉ̀ⲣⲟϥ ⲡⲉ ⲫϯ ⲛ̀ⲓⲁⲕⲱⲃ.	(ⲍ︦) ⲡϫⲟⲉⲓⲥ ⲛ̅ⲛ̅ϭⲟⲙ ⲛⲙ̅ⲙⲁⲛ. ⲡⲉⲛⲣⲉϥϣⲟⲡⲛ̅ ⲉⲣⲟϥ ⲡⲉ ⲡⲛⲟⲩⲧⲉ ⲛ̅ⲓⲁⲕⲱⲃ. ⲇⲓⲁⲯⲁⲗⲙⲁ	(7) The Lord of hosts is with us; the God of Jacob is our helper. Pause.	(7) κύριος τῶν δυνάµεων µεθ’ ἡµῶν, ἀντιλήµπτωρ ἡµῶν ὁ θεὸς Ιακωβ. διάψαλµα.
(ⲏ̅) ⲁⲙⲱⲓⲛⲓ ⲛ̀ⲧⲁⲣⲉⲧⲉⲛⲛⲁⲩ ⲉ̀ⲛⲓϩⲃⲏⲟⲩⲓ ⲛ̀ⲧⲉ ⲡϭ̅ⲥ̅: ⲛⲓϣⲫⲏⲣⲓ ⲉⲧⲁϥⲥⲉⲙⲛⲏⲧⲟⲩ ϩⲓϫⲉⲛ ⲡⲕⲁϩⲓ:	(ⲏ︦) ⲁⲙⲏⲉⲓⲧⲛ̅ ⲁⲛⲁⲩ ⲉⲛⲉϩⲃⲏⲩⲉ ⲙ̅ⲡⲛⲟⲩⲧⲉ. ⲛⲉϣⲡⲏⲣⲉ ⲛ̅ⲧⲁϥⲁⲁⲩ ϩⲓϫⲙ̅ ⲡⲕⲁϩ.	(8) Come, and behold the works of the Lord, what wonders he has achieved on the earth.	(8) δεῦτε ἴδετε τὰ ἔργα κυρίου, ἃ ἔθετο τέρατα ἐπὶ τῆς γῆς.
(ⲑ̅) (8) ⲫⲏ ⲉⲧⲧⲁⲗϭⲟ ⲛ̀ϩⲁⲛⲃⲱⲧⲥ ϣⲁ ⲁⲩⲣⲏϫϥ ⲙ̀ⲡⲕⲁϩⲓ. (9) ⲉϥⲉ̀ϧⲟⲙϧⲉⲙ ⲛ̀ⲛⲟⲩⲫⲓϯ ⲟⲩⲟϩ ⲉϥⲉ̀ⲕⲱϣ ⲛ̀ⲛⲟⲩϩⲟⲡⲗⲟⲛ: ⲛⲟⲩⲕⲉϣⲉⲃϣⲓ ⲉϥⲉ̀ⲣⲟⲕϩⲟⲩ ϧⲉⲛ ⲡⲓⲭⲣⲱⲙ.	(ⲑ︦) ⲉϥϥⲓ ⲛ̅ⲙ̅ⲡⲟⲗⲉⲙⲟⲥ ϣⲁ ⲁⲣⲏϫϥ̅ ⲙ̅ⲡⲕⲁϩ. ϥⲛⲁⲟⲩⲱϣϥ̅ ⲛ̅ⲟⲩⲡⲓⲧⲉ ⲁⲩⲱ ⲛϥ̅ϩⲟⲣⲃⲥ̅. ⲟⲩϩⲟⲡⲗⲟⲛ ⲙⲛ̅ ⲟⲩⲑⲩⲣⲱⲛ ϥⲛⲁⲣⲟⲕϩⲟⲩ ϩⲛ̅ ⲟⲩⲕⲱϩⲧ̅.	(9) Putting an end to wars as for the ends of the earth; he will crush the bow, and break in pieces the weapon, and burn the bucklers with fire.	(9) ἀνταναιρῶν πολέµους µέχρι τῶν περάτων τῆς γῆς τόξον συντρίψει καὶ συγκλάσει ὅπλον καὶ θυρεοὺς κατακαύσει ἐν πυρί.
(ⲓ̅) ⲥⲣⲱϥⲧ ⲟⲩⲟϩ ⲁⲣⲓⲉⲙⲓ ϫⲉ ⲁ̀ⲛⲟⲕ ⲡⲉ ⲫϯ: ⲉⲓⲉ̀ϭⲓⲥⲓ ϧⲉⲛ ⲛⲓⲉⲑⲛⲟⲥ: ⲟⲩⲟϩ ⲉⲓⲉ̀ϭⲓⲥⲓ ϩⲓϫⲉⲛ ⲡⲕⲁϩⲓ.	(ⲓ︦) ⲥⲣ̅ϥⲉ ⲛ̅ⲧⲉⲧⲛ̅ⲛⲁⲩ ϫⲉ ⲁⲛⲟⲕ ⲡⲉ ⲡⲛⲟⲩⲧⲉ. ϯⲛⲁϫⲓⲥⲉ ϩⲛ̅ ⲛ̅ϩⲉⲑⲛⲟⲥ. ϯⲛⲁϫⲓⲥⲉ ϩⲙ̅ ⲡⲕⲁϩ.	(10) Be still, and know that I am God: I will be exalted among the nations, I will be exalted in the earth.	(10) σχολάσατε καὶ γνῶτε ὅτι ἐγώ εἰµι ὁ θεός· ὑψωθήσοµαι ἐν τοῖς ἔθνεσιν, ὑψωθήσοµαι ἐν τῇ γῇ.
(ⲓ̅ⲁ̅) ⲡϭ̅ⲥ̅ ⲫϯ ⲛ̀ⲧⲉ ⲛⲓϫⲟⲙ ⲁϥⲭⲏ ⲛⲉⲙⲁⲛ: ⲡⲉⲛⲣⲉϥϣⲟⲡⲧⲉⲛ ⲉ̀ⲣⲟϥ ⲡⲉ ⲫϯ ⲛ̀ⲓⲁⲕⲱⲃ.	(ⲓ︦ⲁ︦) ⲡϫⲟⲉⲓⲥ ⲡⲛⲟⲩⲧⲉ ⲛ̅ⲛ̅ϭⲟⲙ ⲛⲙ̅ⲙⲁⲛ. ⲡⲉⲛⲣⲉϥϣⲟⲡⲛ̅ ⲉⲣⲟϥ ⲡⲉ ⲡⲛⲟⲩⲧⲉ ⲛ̅ⲓⲁⲕⲱⲃ:	(11) The Lord of hosts is with us; the God of Jacob is our helper.	(11) κύριος τῶν δυνάµεων µεθ’ ἡµῶν, ἀντιλήµπτωρ ἡµῶν ὁ θεὸς Ιακωβ.