| (ⲁ︦) ⲁⲩⲥⲛ̅ⲧ ⲟⲩⲛⲟϭ ⲙ̅ⲙⲛ̅ⲧⲁⲧⲥⲣ̅ϥⲉ ⲣ̅ⲣⲱⲙⲉ ⲛⲓⲙ ⲁⲩⲱ ⲟⲩⲛⲁϩⲃ̅ ⲉϥϩⲟⲣϣ̅ ⲉϫⲛ̅ ⲛ̅ϣⲏⲣⲉ ⲛ̅ⲁⲇⲁⲙ | (1) Great travail is created for every man, and an heavy yoke is upon the sons of Adam, |
| (ⲃ︦) ϫⲓⲛ ⲙ̅ⲡⲉϩⲟⲟⲩ ⲛ̅ⲧⲁⲩⲉⲓ ⲉⲃⲟⲗ ⲛ̅ϩⲏⲧⲥ̅ ⲛ̅ⲧⲉⲩⲙⲁⲁⲩ ϣⲁ ⲡⲉϩⲟⲟⲩ ⲙ̅ⲡⲧⲟⲙⲥⲟⲩ ⲉⲡⲙⲁ ⲛ̅ⲟⲩⲟⲛ ⲛⲓⲙ: | from the day that they go out of their mother’s womb, till the day that they return to the mother of all things. |
| (ⲅ︦) ⲉⲧⲉ ⲛⲉⲩⲙⲟⲕⲙⲉⲕ ⲛⲉ ⲙⲛ̅ ⲑⲟⲧⲉ ⲙ̅ⲡⲉⲩϩⲏⲧ ⲙ̅ⲙⲉⲉⲩⲉ ⲉⲧⲟⲩϭⲱϣⲧ̅ ⲉⲃⲟⲗ ϩⲏⲧⲟⲩ ⲙⲛ̅ ⲡⲉϩⲟⲟⲩ ⲙ̅ⲡⲉⲩⲙⲟⲩ: | (2) Their imagination of things to come, and the day of death, trouble their thoughts, and cause fear of heart; |
| (ⲇ︦) ϫⲓⲛ ⲡⲉⲧϩⲙⲟⲟⲥ ϩⲓ ⲟⲩⲑⲣⲟⲛⲟⲥ ⲉϥϩⲁ ⲉⲟⲟⲩ ϣⲁ ⲡⲉⲧⲑⲃ̅ⲃⲓⲏⲩ ϩⲛ̅ ⲡⲕⲁϩ ⲙⲛ̅ ⲡⲕⲣ̅ⲙⲉⲥ: | (3) From him that sitteth on a throne of glory, unto him that is humbled in earth and ashes; |
| (ⲉ︦) ϫⲓⲛ ⲡⲉⲧⲫⲟⲣⲓ ⲛ̅ⲟⲩϩⲩⲁⲕⲓⲛⲑⲓⲛⲟⲛ ⲙⲛ̅ ⲟⲩⲕⲗⲟⲙ ϣⲁ ϩⲣⲁⲓ̈ ⲉⲡⲉⲧⲉⲣⲉ ⲟⲩϭⲁϭⲓⲧⲱⲛ ϩⲓⲱⲱϥ. | (4) From him that weareth purple and a crown, unto him that is clothed with a linen frock. |
| (ⲋ︦) ⲡϭⲱⲛⲧ̅ ⲙⲛ̅ ⲡⲕⲱϩ ⲡⲉϣⲧⲟⲣⲧⲣ̅ ⲙⲛ̅ ⲡⲕⲓⲙ ⲁⲩⲱ ⲑⲟⲧⲉ ⲙ̅ⲡⲙⲟⲩ ⲙⲛ̅ ⲡⲛⲟⲩϭⲥ̅ ⲙⲛ̅ ⲡϯⲧⲱⲛ | (5) Wrath, and envy, trouble, and unquietness, fear of death, and anger, and strife, |
| (ⲍ︦) ⲁⲩⲱ ⲛ̅ⲧⲉⲩⲛⲟⲩ ⲙ̅ⲡⲉⲙ̅ⲧⲟⲛ ϩⲓ ⲡⲉⲩⲙⲁ ⲛ̅ⲛ̅ⲕⲟⲧⲕ̅ ϣⲁⲣⲉ ⲫⲓⲛⲏⲃ ⲛ̅ⲧⲉⲩϣⲏ ϣⲓⲃⲉ ⲙ̅ⲡⲉϥⲥⲟⲟⲩⲛ. | and in the time of rest upon his bed his night sleep, do change his knowledge. |
| (ⲏ︦) ...... ⲗⲁⲁⲩ ⲡⲉ ⲡⲉϥⲙ̅ⲧⲟⲛ .. ⲡⲁⲓ̈ ⲉϣϫⲉ ⲉϥϩⲙ̅ ⲡⲉϩⲟⲟⲩ ⲙ̅ⲡϭⲱϣⲧ̅ ⲉⲃⲟⲗ ⲛ̅ⲣ̅ⲣⲁⲥⲟⲩ .. ϣⲧⲣ̅ⲧⲱⲣ ϩⲛ̅ ⲑⲟⲣⲁⲥⲓⲥ ⲙ̅ⲡⲉϥϩⲏⲧ ⲛ̅ⲑⲉ ⲙ̅ⲡⲉⲛⲧⲁϥⲣ̅ⲃⲟⲗ ϩⲛ̅ ⲟⲩⲡⲟⲗⲉⲙⲟⲥ. | (6) A little or nothing is his rest, and afterward he is in his sleep, as in a day of keeping watch, troubled in the vision of his heart, as if he were escaped out of a battle. |
| (ⲑ︦) ⲁϥⲧⲱⲟⲩⲛ ϩⲛ̅ ⲧⲉⲩⲛⲟⲩ ⲙ̅ⲡⲉϥⲟⲩϫⲁⲓ̈ ⲉⲛϥ̅ⲣ̅ϣⲡⲏⲣⲉ ⲁⲛ ⲗⲗⲁⲁⲩ ⲛ̅ϩⲟⲧⲉ ⲙⲛ̅ ⲥⲁⲣⲝ̅ ⲛⲓⲙ ϫⲓⲛ ⲛ̅ⲣⲱⲙⲉ ϣⲁ ⲛ̅ⲧⲉⲃⲛⲏ: | (7) When all is safe, he awaketh, and marvelleth that the fear was nothing. (8) Such things happen unto all flesh, both man and beast, |
| (ⲓ︦) ⲁⲩⲱ ⲥⲁϣϥ̅ ⲛ̅ⲕⲱⲃ ⲛ̅ⲛⲁⲓ̈ ⲛⲉⲧⲛ̅ⲛⲏⲩ ⲉϫⲛ̅ ⲛ̅ⲣⲉϥⲣ̅ⲛⲟⲃⲉ. | and that is sevenfold more upon sinners. |
| (ⲓ︦ⲁ︦) ⲡⲙⲟⲩ ⲙⲛ̅ ⲡϯⲧⲱⲛ ⲙⲛ̅ ⲡⲉⲥⲛⲟϥ ⲙⲛ̅ ⲧⲥⲏϥⲉ ⲛⲉⲥⲛⲁⲩϩ ⲙⲛ̅ ⲫⲉⲃⲱⲱⲛ ⲙⲛ̅ ⲡⲟⲩⲱϣϥ̅ ⲙⲛ̅ ⲙ̅ⲙⲁⲥⲧⲓⲅⲝ̅ | (9) Death, and bloodshed, strife, and sword, calamities, famine, tribulation, and the scourge; |
| (ⲓ︦ⲃ︦) ⲛ̅ⲧⲁⲩⲥⲛ̅ⲧ ⲛⲁⲓ̈ ⲧⲏⲣⲟⲩ ⲉⲛⲁⲛⲟⲙⲟⲥ ⲁⲩⲱ ⲛ̅ⲧⲁ ⲡⲕⲁⲧⲁⲕⲗⲩⲥⲙⲟⲥ ϣⲱⲡⲉ ⲉⲧⲃⲏⲧⲟⲩ. | (10) These things are created for the wicked, and for their sakes came the flood. |
| (ⲓ︦ⲅ︦) ⲛ̅ⲕⲁ ⲛⲓⲙ ⲉⲛⲧⲁⲩⲉⲓ ⲉⲃⲟⲗ ϩⲙ̅ ⲡⲕⲁϩ ⲉⲩⲛⲁⲕⲟⲧⲟⲩ ⲉⲡⲕⲁϩ ⲁⲩⲱ ⲛ̅ⲉⲃⲟⲗ ϩⲛ̅ ⲙ̅ⲙⲟⲟⲩ ⲉⲩⲛⲁⲕⲟⲧⲟⲩ ⲉⲑⲁⲗⲁⲥⲥⲁ. | (11) All things that are of the earth shall turn to the earth again: and that which is of the waters doth return into the sea. |
| (ⲓ︦ⲇ︦) ⲇⲱⲣⲟⲛ ⲛⲓⲙ ⲁⲩⲱ ϫⲓⲛ̅ϭⲟⲛⲥ̅ ⲛⲓⲙ ⲛⲁϥⲱⲧⲉ ⲉⲃⲟⲗ ⲧⲡⲓⲥⲧⲓⲥ ⲇⲉ ⲛⲁⲁϩⲉ ⲣⲁⲧⲥ̅ ⲛ̅ϣⲁ ⲉⲛⲉϩ. | (12) All bribery and injustice shall be blotted out: but true dealing shall endure for ever. |
| (ⲓ︦ⲉ︦) ⲛⲉⲭⲣⲏⲙⲁ ⲛ̅ⲛ̅ⲣⲉϥϫⲓⲛ̅ϭⲟⲛⲥ̅ ⲛⲁϣⲟⲩⲟ ⲛ̅ⲑⲉ ⲛ̅ⲟⲩⲉⲓⲉⲣⲟ ⲁⲩⲱ ⲥⲉⲛⲁⲱϣ ⲉⲃⲟⲗ ⲛ̅ⲑⲉ ⲛ̅ⲟⲩϩⲣⲟⲩⲃⲃⲁⲓ̈ ⲛⲟϭ ϩⲛ̅ ⲟⲩ.... | (13) The goods of the unjust shall be dried up like a river, and shall vanish with noise, like a great thunder in rain. |
| (ⲓ︦ⲋ︦) ϩⲙ̅ ⲡⲧⲣⲉϥⲟⲩⲱⲛ ⲛ̅ⲛⲉϥϭⲓϫ ⲉϥⲛⲁⲉⲩⲫⲣⲁⲛⲉ: ⲧⲁⲓ̈ ⲧⲉ ⲑⲉ ⲛ̅ⲛⲉⲧⲡⲁⲣⲁⲃⲁ: ⲥⲉⲛⲁⲱϫⲛ̅ ..... | (14) While he openeth his hand he shall rejoice: so shall transgressors come to nought. |
| (ⲓ︦ⲍ︦) ⲛ̅ⲛⲉ ⲛ̅ϣⲏⲣⲉ ⲛ̅ⲁⲥⲉⲃⲏⲥ ⲧⲁϣⲉ ⲛⲉⲩⲕⲗⲁⲇⲟⲥ ⲁⲩⲱ ⲛ̅ⲛⲟⲩⲛⲉ ⲛ̅ⲛⲓⲁⲕⲁⲑⲁⲣⲧⲟⲥ ⲉⲩⲟ ⲛ̅ⲑⲉ ⲛ̅ⲛⲉⲧϩⲓϫⲛ̅ ⲛⲓⲡⲉⲧⲣⲁ ⲉⲧⲛⲁϣⲧ̅. | (15) The children of the ungodly shall not bring forth many branches: but are as unclean roots upon a hard rock. |
| (ⲓ︦ⲏ︦) ϣⲁⲩϥⲉϭ ⲡⲁϩⲣ̅ ⲉⲧϩⲓϫⲛ̅ ⲙⲟⲟⲩ ⲛⲓⲙ ⲁⲩⲱ ⲛⲉⲥⲡⲟⲧⲟⲩ ⲙ̅ⲡⲓⲉⲣⲟ ϩⲁ ⲑⲏ ⲛ̅ⲭⲟⲣⲧⲟⲥ ⲛⲓⲙ. | (16) The weed growing upon every water and bank of a river shall be pulled up before all grass. |
| (ⲓ︦ⲑ︦) ⲉⲣⲉ ⲧⲉⲭⲁⲣⲓⲥ ⲟ ⲛ̅ⲑⲉ ⲛ̅ⲟⲩⲡⲁⲣⲁⲇⲓⲥⲟⲥ ϩⲛ̅ ⲛⲉⲥⲙⲟⲩ ⲁⲩⲱ ⲧⲙⲛ̅ⲧⲛⲁ ⲛⲁϣⲱⲡⲉ ⲛ̅ϣⲁ ⲉⲛⲉϩ. | (17) Bountifulness is as a most fruitful garden, and mercifulness endureth for ever. |
| (ⲕ︦) ⲛⲁⲛⲟⲩ ⲡⲱⲛϩ̅ ⲉⲧⲧⲏϣ ⲛ̅ⲟⲩⲉⲣⲅⲁⲧⲏⲥ ⲛⲁϥ ⲡⲉⲛⲧⲁϥϩⲉ ⲇⲉ ⲉⲩⲁϩⲟ ⲥⲟⲧⲡ̅ ⲉⲣⲟϥ. | (18) To labour, and to be content with that a man hath, is a sweet life: but he that findeth a treasure is above them both. |
| (ⲕ︦ⲁ︦) ϣⲏⲣⲉ ϩⲓ ⲕⲱⲧ ⲙ̅ⲡⲟⲗⲓⲥ ⲛⲉϣⲁⲩⲧⲁϫⲣⲉ ⲣⲁⲛ ⲟⲩⲛ̅ ⲟⲩⲥϩⲓⲙⲉ ⲇⲉ ⲉⲥⲟⲩⲁⲁⲃ ⲥⲟⲧⲡ̅ ⲉϩⲟⲩⲛ ⲉϩⲣⲁⲓ̈ ⲙ̅ⲡⲉⲥⲛⲁⲩ. | (19) Children and the building of a city continue a man’s name: but a blameless wife is counted above them both. |
| (ⲕ︦ⲃ︦) ⲏⲣⲡ̅ ϩⲓ ⲙⲟⲩⲥⲓⲕⲟⲛ ⲡⲉϣⲁϥⲉⲩⲫⲣⲁⲛⲉ ⲙ̅ⲫⲏⲧ ⲧⲁⲅⲁⲡⲏ ⲇⲉ ⲙⲛ̅ ⲧⲥⲟⲫⲓⲁ ⲥⲟⲧⲡ̅ ⲉⲣⲟⲟⲩ ⲙ̅ⲡⲉⲥⲛⲁⲩ. | (20) Wine and musick rejoice the heart: but the love of wisdom is above them both. |
| (ⲕ︦ⲅ︦) ⲥⲏϥⲉ ⲛ̅ϫⲱ ϩⲓ ⲯⲁⲗⲧⲏⲣⲓⲟⲛ ⲛⲉϣⲁⲩϯ ⲛ̅ⲟⲩⲗ̅ⲗⲉ ⲟⲩⲗⲁⲥ ⲇⲉ ⲉϥⲛⲟⲧⲙ̅ ⲥⲟⲧⲡ̅ ⲉⲣⲟⲟⲩ ⲙ̅ⲡⲉⲥⲛⲁⲩ. | (21) The pipe and the psaltery make sweet melody: but a pleasant tongue is above them both. |
| (ⲕ︦ⲇ︦) ⲡⲉⲕⲃⲁⲗ ⲛⲁⲉⲡⲓⲑⲩⲙⲓ ⲉⲩⲭⲁⲣⲓⲥ ⲙⲛ̅ ⲟⲩⲥⲁ ⲟⲩⲟⲩⲟⲧⲟⲩⲉⲧ ⲇⲉ ⲛ̅ⲧⲥⲱϣⲉ ⲥⲟⲧⲡ̅ ⲉⲣⲟⲟⲩ ⲙ̅ⲡⲉⲥⲛⲁⲩ. | (22) Thine eye desireth favour and beauty: but more than both corn while it is green. |
| (ⲕ︦ⲉ︦) ϣⲁⲣⲉ ⲡⲉⲕϣⲃⲏⲣ ⲙⲛ̅ ⲡⲉⲕⲣⲱⲙⲉ ⲧⲱⲙⲛ̅ⲧ ⲉⲣⲟⲕ ⲙ̅ⲡⲉⲕⲟⲩⲟⲉⲓϣ ⲟⲩⲥϩⲓⲙⲉ ⲇⲉ ⲙⲛ̅ ⲡⲉⲥϩⲁⲓ̈ ⲥⲟⲧⲡ̅ ⲉⲣⲟⲟⲩ ⲙ̅ⲡⲉⲥⲛⲁⲩ. | (23) A friend and companion never meet amiss: but above both is a wife with her husband. |
| (ⲕ︦ⲋ︦) ϣⲁⲣⲉ ϩⲛ̅ⲥⲛⲏⲩ ϯ ⲧⲟⲟⲧⲕ̅ ⲙⲛ̅ ⲟⲩⲃⲏⲑⲓⲁ ϩⲙ̅ ⲡⲉⲟⲩⲟⲉⲓϣ ⲛ̅ⲟⲩⲑⲗⲓⲯⲓⲥ ⲧⲙⲛ̅ⲧⲛⲁ ⲇⲉ ⲛⲁⲛⲟⲩϩⲙ̅ ϩⲟⲩⲉ ⲉⲣⲟⲟⲩ ⲙ̅ⲡⲉⲥⲛⲁⲩ. | (24) Brethren and help are against time of trouble: but alms shall deliver more than them both. |
| (ⲕ︦ⲍ︦) ϣⲁⲣⲉ ⲡⲛⲟⲩⲃ ⲙⲛ̅ ⲫⲁⲧ ⲥⲙ̅ⲛ ⲡⲣⲱⲙⲉ ⲡϣⲟϫⲛⲉ ⲇⲉ ⲥⲟⲧⲡ̅ ⲉⲣⲟⲟⲩ ⲙ̅ⲡⲉⲥⲛⲁⲩ. | (25) Gold and silver make the foot stand sure: but counsel is esteemed above them both. |
| (ⲕ︦ⲏ︦) ϣⲁⲣⲉ ⲭⲣⲏⲙⲁ ϩⲓ ϭⲟⲙ ϫⲓⲥⲉ ⲙ̅ⲫⲏⲧ ⲑⲟⲧⲉ ⲇⲉ ⲙ̅ⲡϫⲟⲉⲓⲥ ⲥⲟⲧⲡ̅ ⲉⲣⲟⲟⲩ ⲙ̅ⲡⲉⲥⲛⲁⲩ. | (26) Riches and strength lift up the heart: but the fear of the Lord is above them both: |
| (ⲕ︦ⲑ︦) ⲙⲛ̅ ϣⲱⲱⲧ ϩⲛ̅ ⲑⲟⲧⲉ ⲙ̅ⲡϫⲟⲉⲓⲥ ⲁⲩⲱ ⲙⲛ̅ ⲧⲣⲉⲕϣⲓⲛⲉ ⲛ̅ⲥⲁ ⲃⲟⲏⲑⲓⲁ ⲉⲕⲛ̅ϩⲏⲧⲥ̅. | there is no want in the fear of the Lord, and it needeth not to seek help. |
| (ⲗ︦) ⲉⲣⲉ ⲑⲟⲧⲉ ⲙ̅ⲡϫⲟⲉⲓⲥ ⲟ ⲛ̅ⲑⲉ ⲛ̅ⲟⲩⲡⲁⲣⲁⲇⲓⲥⲟⲥ ⲛ̅ⲥⲙⲟⲩ ⲁⲩⲱ ⲥⲛⲁϩⲟⲃⲥϥ̅ ⲉϩⲟⲩ ⲉⲟⲩⲟⲛ ⲛⲓⲙ. | (27) The fear of the Lord is a fruitful garden, and covereth him above all glory. |
| (ⲗ︦ⲁ︦) ⲡⲁϣⲏⲣⲉ ⲙ̅ⲡⲣ̅ⲣ̅ ⲧϭⲓⲛⲱⲛϩ̅ ⲛ̅ⲟⲩⲣⲉϥⲧⲱⲃϩ̅: ⲛⲁⲛⲟⲩⲥ ⲅⲁⲣ ⲉⲧⲣⲉⲕⲙⲟⲩ ⲉϩⲟⲩⲉ ⲧⲱⲃϩ̅. | (28) My son, lead not a beggar’s life; for better it is to die than to beg. |
| (ⲗ︦ⲃ︦) ⲟⲩⲣⲱⲙⲉ ⲉϥϭⲱϣⲧ̅ ⲉⲩⲧⲣⲁⲡⲉⲍⲁ ⲉⲛⲧⲱϥ ⲁⲛ ⲧⲉ ⲛ̅ⲟⲩⲁϩⲉ ⲁⲛ .... ϥⲛⲁⲧⲙ̅ⲙⲉ ⲧⲉϥⲯⲩⲭⲏ ⲛ̅ϩⲉⲛϭⲓⲛⲟⲩⲟⲟⲙ ⲉⲛⲛⲟⲩϥ ⲁⲛ ⲛⲉ: ⲟⲩⲛ̅ ⲟⲩⲣⲱⲙⲉ ⲇⲉ ⲛ̅ⲥⲁⲃⲉ ⲁⲩⲱ ⲉϥⲧⲥⲁⲃⲏⲩ ⲛⲁϩⲁⲣⲉϩ ⲉⲣⲟϥ. | (29) The life of him that dependeth on another man’s table is not to be counted for a life; for he polluteth himself with other men’s meat: but a wise man well nurtured will beware thereof. |
| (ⲗ︦ⲅ︦) ⲡⲧⲱⲃϩ̅ ⲛⲁϩⲗⲟϭ ϩⲛ̅ ⲧⲧⲁⲡⲣⲟ ⲙ̅ⲡⲁⲧϣⲓⲡⲉ ⲁⲩⲱ ⲟⲩⲛ̅ ⲟⲩⲕⲱϩⲧ̅ ⲛⲁⲙⲟⲩϩ ⲛ̅ϩⲏⲧϥ̅. | (30) Begging is sweet in the mouth of the shameless: but in his belly there shall burn a fire. |